Nandurbar Crime News : कुरापत काढत एकाने कुऱ्हाडीच्या घाव घालत खून केल्याची घटना मोठा धनपूर (ता. तळोदा) येथे नुकतीच घडली. त्याबाबत तळोदा पोलिस ठाण्यात खुनाचा गुन्हा दाखल झाला.(one kill in normal thing by axe nandurbar crime news )
धरमसिंग नुऱ्या पाडवी (वय ३५, रा. छोटा धनपूर, ता. तळोदा) यास ३० नोव्हेंबरला त्याच्या राहत्या घराच्या अंगणात सार्वजनिक ठिकाणी सायंकाळी साडेसहाच्या सुमारास कालूसिंग नुऱ्या पाडवी (४९, रा. मोठा धनपूर) याने कुरापत काढत मानेवर कुऱ्हाडीने वार करून गंभीर जखमी केले. त्यातच त्याचा मृत्यू झाला.
मृत व आरोपी कालूसिंग पाडवी तळोदा कोर्टात गेले. मात्र कोर्टाला सुटी असल्याने पुढील महिन्याची सात तारीख मिळाली. त्यानंतर ते दोघे धनपूर येथे येण्यासाठी तळोदा शहरातील चिनोदा चौफुली येथे आले.
या वेळी आरोपीने मृताबरोबर येत नाही ‘तू मला भाडे दे’ असे सांगितले. मात्र त्याने पैसे दिले नाहीत म्हणून संशयित आरोपीने मृताला शिवीगाळ केली. तेव्हा मृताने ‘तू शिवीगाळ का करतो’ अशी विचारणा केली व कानशिलात मारले.
त्यामुळे त्यांच्यात भांडण झाले. त्याचा राग मनात धरून हा खून केल्याची फिर्याद मृताचे काका मधुकर ऋता पाडवी यांनी दिली. तळोदा पोलिस ठाण्यात खुनाच्या गुन्हा दाखल झाला असून, पोलिस महेश निकम तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
