शिरपूर : भरधाव कंटेनरने ट्रकच्या मागील भागाला दिलेल्या धडकेमुळे झालेल्या अपघातात चालक ठार झाला. हा अपघात गुरुवारी (ता.२९) रात्री दोन ते तीनच्या दरम्यान महामार्गावर बिजासनी घाटात घडला. अपघातामुळे काही काळ वाहतूक खोळंबली होती.(One killed in accident at Bijasani Ghat dhule latest news)
बिजासनी देवी मंदिरासमोर महामार्गावर उतार असलेल्या जागी हा अपघात घडला. दोन्ही वाहने इंदूरकडून मुंबईकडे निघाली होती. रात्री दोनच्या सुमारास कंटेनर (एमपी ०९ एचजी ४९१०) वरील चालकाचे नियंत्रण सुटले.
उतारावरुन भरधाव वेगाने खाली येत कंटेनरने पुढे चालणाऱ्या ट्रक (एमपी ०९ एचजे ६६६०) ला मागील बाजूने धडक दिली. अपघाताची माहिती मिळताच बिजासनी पोलिस चौकीचे प्रभारी सुरेश पाटीदार व सहकाऱ्यांनी घटनास्थळी धाव घेतली. केबिन तोडून कंटेनरचालकाला बाहेर काढण्यात आले.
त्याच्या खिशातील ओळखपत्रावरुन मृत मोहंमद अशफाक मन्सूर शाह (वय ६२) असून, ते बदनावर (जि.धार, मध्यप्रदेश) येथील रहिवासी असल्याचे निष्पन्न झाले. अपघातामुळे काही वेळ वाहतूक खोळंबली. पोलिसांनी पहाटेपर्यंत दोन्ही वाहने बाजूला केल्यानंतर वाहतूक सुरळीत झाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
