Dhule Bribe News : महिला बचत गटाने म्हळसर (ता.शिंदखेडा) येथील शासकीय प्राथमिक आश्रमशाळा कॅम्प सुलवाडे (ता. शिंदखेडा) येथे शालेय पोषण आहारा करिता भाजीपाला पुरवठा करण्याचे कंत्राट महिला बचत गटास देण्यात आले होते.
आश्रमशाळेकडून भाजीपाला पुरवठ्याचे मागील नऊ महिन्याचे देयक मंजूर करून दिले होते. (Principal and superintendent arrested while accepting bribe of 12 thousand dhule news)
त्याचा मोबदला म्हणून तसेच उर्वरित दोन महिन्याचे पुढील देयक अदा करण्यास मदत करण्यासाठी मुख्याध्यापक व कार्यालय अधीक्षक यांनी २० हजार रुपये लाचेची मागणी करून तडजोडी अंती १२ हजार रुपये लाच स्वीकारण्याचे मान्य केले.
सदरची लाच स्वीकारताना कार्यालय अधिक्षकास सोमवारी (ता.२९) दुपारी धुळे येथील लाचलुचपत विभागाच्या उपअधीक्षक अभिषेक पाटील यांच्या पथकाने पकडले.
एक जानेवारीला अक्कलकोस (ता.शिंदखेडा) येथील शासकीय आदिवासी आश्रमशाळेच्या मुख्याध्यापिका अर्चना जगताप यांना चार हजार रुपायांची लाच घेताना धुळे विभागाच्या लाचलुचपत विभागाने अटक केली होती.
या घटनेस एक महिना ही होत नाही तोच सोमवारी म्हळसर येथील शासकीय प्राथमिक आश्रमशाळेचे मुख्याध्यापक प्रदीपकुमार वामनराव राठोड (वय ३४, रा. विद्या कॉलनी, स्वामिनारायण मंदिरा मागे दोंडाईचा ता. शिंदखेडा)
व कार्यालय अधीक्षक हनुक फुलसिंग भादले (वय ४७, रा. साईबाबा अपार्टमेंट मांडळ शिवार, शिरपूर) यांच्याविरूद्ध गुन्हा दाखल करण्यात आला. यात अधीक्षक हनुक भादले यांनी पंचांसमक्ष लाच स्वीकारली. शिंदखेडा पोलिस ठाण्यात गुन्हा दाखल करण्याचे काम सुरू होते.
धुळे लाचलुचपत विभागाचे पोलिस उपअधीक्षक अभिषेक पाटील यांच्या मार्गदर्शनाखाली सापळा पथकाचे पोलिस निरीक्षक हेमंत बेंडाळे, रूपाली खांडवी, राजन कदम, मुकेश अहिरे, प्रवीण मोरे, संतोष पावरा, रामदास बारेला, प्रशांत बागूल, मकरंद पाटील, प्रवीण पाटील, सुधीर मोरे, जगदीश बडगुजर यांनी ही कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
