Nandurbar Crime News : मागील काही दिवसांपासून नंदुरबार जिल्ह्यातील ग्रामीण भागातील शेतांमध्ये शेती अवजारे चोरी करण्याचे प्रमाण वाढले आहे. (Three arrested for stealing agricultural implements Nandurbar Crime News)
याप्रकरणी स्थानिक गुन्हे शाखेचा पथकाला मिळालेल्या माहितीनुसार अमलाड (ता. तळोदा) येथील तिघांना अटक केली आहे. त्यांच्याकडून चार लाख ८५ हजारांचा मुद्देमाल जप्त करण्यात आला असून चार गुन्हे उघडकीस आणण्यात पोलिसांना यश मिळाले आहे.
पोलिस अधीक्षक पी. आर. पाटील यांनी चोरीच्या गुन्ह्यांचे तपास करण्याचे आदेश ठाणे प्रभारी अधिकाऱ्यांना दिले. स्थानिक गुन्हे शाखेचे पोलिस निरीक्षक किरणकुमार खेडकर यांनी नंदुरबार जिल्ह्यातील काही पोलिस ठाणे हद्दीतील ग्रामीण भागात झालेल्या शेती साहित्य चोरीच्या पद्धतीचा अभ्यास केला.
हेही वाचा : संतुलित आहारातून रोखा फॅटी लिव्हरचा आजार
त्यात अमलाड (ता. तळोदा) गावात राहणारे हरीश गोसावी, अरुण गोसावी, भरत पाडवी यांनी मिळून केली असल्याची माहिती मिळाली. स्थानिक गुन्हे शाखेच्या पथकाने तळोदा तालुक्यातील आमलाड गावात जाऊन माहिती काढली असता ते तळोदा शहरातील
चिनोदा चौफुली परिसरात आढळून आले. त्यांना पथकाने ताब्यात घेतले. शेती अवजारे चोरींबाबत विचारले असता त्यांनी आमलाड, तळवे, मोड, चिनोदा व नंदुरबार तालुक्यातील पाचोराबारी येथील शेतातून रात्रीच्या वेळी ठिबक नळी व लोखंडी नागर चोरी केल्याबाबत कबुली दिली. त्यांच्याकडून दोन वाहने ताब्यात घेण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
