नवापूर : डोकारे (ता. नवापूर ) आदिवासी सहकारी साखर कारखान्याची गेल्या २५ वर्षापासून काँग्रेस पक्षाची एकहाती सत्ता होती. आता पर्यंत पाच पंचवार्षिक निवडणूक बिनविरोध झाल्या. पहिल्यांदाच निवडणूक लागल्याने त्यामध्ये भाजप पुरस्कृत परिवर्तन पॅनलचे सर्वच चौदा उमेदवार विजय झाले.
तर शेतकरी विकास पॅनलचे दोन उमेदवार बिनविरोध तर एक विजयी झाले आहे. तब्बल २५ वर्षानंतर आदिवासी सहकारी साखर कारखान्यामध्ये सत्तांतर झाले आहे. काँग्रेस पुरस्कृत शेतकरी विकास पॅनल पराभूत झाले आहे. (Transformation panel dominates Nagpur Sugar Factory Nandurbar News)
माजी आमदार शरद गावित, जिल्हा परिषदेचे माजी अध्यक्ष तथा विद्यमान सदस्य भाजपचे तालुकाध्यक्ष भरत गावित व त्यांच्या समर्थकांनी मतमोजणी केंद्राच्या बाहेर फटाक्यांची आतषबाजी करीत जल्लोष केला.
नवापूर तालुक्यातील डोकारे आदिवासी सहकारी साखर कारखान्याची पंचवार्षिक निवडणुकीची मुदत संपल्याने १७ जागेसाठी निवडणूक घेण्यात आली होती. यासाठी शेतकरी विकास पॅनल व परिवर्तन पॅनलची सरळ लढत झाली. निवडणुकीची मतमोजणी दोन फेरीत १२ टेबलवर करण्यात आली. यात सुरवातीला नवागाव, नवापूर गटातील १२ मतदान केंद्रातील पेटीतील मतपत्रिकेची मोजणी करण्यात आली.
आदिवासी सहकारी साखर कारखान्याच्या निवडणुकीमध्ये काँग्रेस पुरस्कृत शेतकरी विकास पॅनलचे १५ उमेदवार तर भाजप पुरस्कृत परिवर्तन पॅनलमध्ये १४ उमेदवार असे दोन्ही गटातील एकूण २९ उमेदवार निवडणुकीचा रिंगणात उभे होते.
पहिल्या फेरीमध्ये शेतकरी विकास पॅनलला परिवर्तन पॅनलने धक्का दिला. तब्बल ११ उमेदवार आघाडीवर होते. तर शेतकरी विकास पॅनलचे चार उमेदवार आघाडीवर होते. कारखान्याच्या संचालकांच्या १७ जागांपैकी शेतकरी विकास पॅनलचे आरिफ बलेसरिया, अजित नाईक हे दोन उमेदवार आधीच बिनविरोध झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
