Dhule Crime News : दारू पिण्यासाठी पैसे देण्यास नकार दिल्याने पत्नीच्या कानातील दागिना काढून घेण्यासाठी नवऱ्याने तिचा कानच कापून काढला. ही घटना ५ जानेवारीला सायंकाळी भाटपुरा (ता. शिरपूर) येथे घडली. (Wifes ear cut off for alcohol by husband at Bhatpura dhule crime news)
जखमी महिलेवर उपचार सुरू असून, तिने दिलेल्या फिर्यादीवरून संशयित पतीविरोधात थाळनेर पोलिसांनी गुन्हा दाखल केला. जागृती घनश्याम राठोड (वय ३०, रा. भाटपुरा) असे जखमी महिलेचे नाव आहे.
५ जानेवारीला सायंकाळी पती घनश्याम काळू राठोड (वय ३५) घरी आला. ‘मला दारू पिण्यासाठी पैसे दे’ अशी त्याने मागणी केली. तिने माझ्याकडे पैसे नाहीत, मी कुठून देऊ, असे उत्तर दिले.
त्यावर संशयिताने तिला कानातला दागिना काढून देण्यास सांगितले. तिने नकार दिल्यामुळे घनश्याम राठोडने हातात चाकू घेऊन तिचा डावा कान कापून काढला. कानातून रक्तस्राव झाल्याने ती गंभीर जखमी झाली.
तिचा आरडाओरडा ऐकल्याने शेजारी धावत आले. त्यांनी जागृतीला रुग्णालयात दाखल केले. तिने दिलेल्या फिर्यादीवरून पती घनश्याम राठोड याच्याविरोधात थाळनेर पोलिस ठाण्यात गुन्हा दाखल करण्यात आला. त्याला अटक करण्यात आली. हवालदार संजय धनगर तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
