नागपूर : एका युवकाने पुलावरून उडी घेऊन आत्महत्येचा प्रयत्न केला. परंतु, पुलावरून उडी घेतल्यामुळे युवकाचा पाय तुटला. ही खळबळजनक घटना गुरुवारी दुपारी झिंगाबाई टाकळीतील बाबा फरिदनगर येथे घडली. रिंकू दास (वय ३०, रा. लष्करीबाग) असे जखमी युवकाचे नाव आहे. पण त्यानं आत्महत्येचा प्रयत्न का केला? याची कथा रंजक आहे. रिंकू याला पडलेल्या स्वप्नामुळे त्याने आत्महत्येचा प्रयत्न केला अशी सूत्रांची माहिती आहे.
पोलिसांनी दिलेल्या माहितीनुसार, रिंकू हा पेंटिंगचे काम करतो. गुरुवारी दुपारी रिंकू हा आईसोबत मोपेडने कोराडीला जात होता. बाबा फरिदनगरमधील पुलावर उलटी येत असल्याचे आईला सांगून रिंकू हा मोपेडवरून उतरला. आईला काही कळायच्या आधीच रिंकू याने पुलावरून उडी घेतली. त्याच्या आईने आरडाओरड केली. नागरिक जमले.
घटनेची माहिती मिळताच मानकापूर पोलिस ठाण्याचे वरिष्ठ पोलिस निरीक्षक गणेश ठाकरे यांच्यासह पोलिसांचा ताफा तेथे पोहोचला. पोलिसांनी रिंकू याला मेयो हॉस्पिटलमध्ये दाखल केले. रिंकू याच्या पायाला गंभीर दुखापत झाली आहे. तूर्त मानकापूर पोलिसांनी घटनेची नोंद घेत तपास सुरू केला आहे.
स्वप्नामुळे केला आत्महत्येच प्रयत्न
रिंकू खूप श्रीमंत झाला आहे. त्याच्याकडे अतोनात पैसे, महागडी कार, बंगला आहे. त्याच्याकडे खूप पैसे सोने, चांदी आहे असेही त्याने स्वप्नात पाहिले. श्रीमंतीच्या स्वप्नात रंगून गेलेला रिंकू स्वतःला करोडपती समजू लागला. मात्र तेवढ्यात कोंबडा आरवला आणि रिंकूची झोप उघडली. समोरचे चित्र बघून आपण स्वप्न बघत होतो हे त्याच्या लक्षात आले. मात्र ही श्रीमंती आपण कधीच मिळवू शकणार नाही असे म्हणून त्याने आत्महत्येचा प्रयत्न केला.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.