'नानां'ची काठी थेट मोदी सरकारवर, केंद्रसरकारविरोधात संघर्ष

नागपूर : देशपातळीवर अराजकता माजली आहे. केंद्रसरकारकडून मनमानी कारभार सुरू आहे. त्यामुळे अत्याचारी विचारधारेच्या विरोधात म्हणजेच मोदी सरकारच्या विरोधात माझी काठी चालेल, असे वक्तव्य नाना पटोले यांनी केले. 'भले तरी देऊ कासेची लंगोटी। नाठाळाचे माथी हाणू काठी', अशी नाना पटोलेंची भूमिका असते. त्यामुळे ही काठी नेमकी कोणावर चालणार? असा प्रश्न विचारला असता, त्यांनी हे वक्तव्य केले. आज एका वृत्तवाहिनीला दिलेल्या मुलाखतीत ते बोलत होते.

हेही वाचा - मातृत्व अनुभवण्यापूर्वीच झाला बाळाचा मृत्यू, महिलेचं कृत्य पाहून उपस्थितांचेही पाणावले डोळे

महाविकास आघाडीमधील आमच्या नेत्यांमध्ये समन्वय आहे. त्यामुळे त्यांच्याविरोधात बोलण्याचा प्रश्नच येत नाही. या देशात आणि राज्यात अत्याचार करणाऱ्यांना माझा विरोध आहे. भाजपच्या मनमानी कारभाराल विरोध आहे, असे नाना म्हणाले. 

हेही वाचा - वर-वधू मंडपात उभे झाले, डोक्यावर अक्षता पडणार इतक्यात काही जण धडकले अन् उडाला थरकाप

दरम्यान, नाना पटोले यांनी गुरुवारी विधानसभा अध्यक्ष पदाचा राजीनामा दिला. आता त्यांच्या नावाची काँग्रेसचे प्रदेशाध्यक्ष म्हणून अधिकृत घोषणा होईल. यासाठी जास्त वाट पाहावी लागणार नाही. त्याचे चित्र आजच स्पष्ट होईल, असेही नाना म्हणाले. तसेच माझ्या पक्षाला राज्यात एक क्रमांकाचा पक्ष कसा बनवता येईल, याकडे मी लक्ष देणार आहे, असेही नाना म्हणाले.  

पक्षाची जे ठरलं आहे, त्यानुसार महाविकास आघाडीने चालावे. ते त्याप्रमाणे वागले नाहीतर त्यांना समजावून सांगणे माझे काम आहे, असेही नाना म्हणाले. तसेच विधानसभा अध्यक्ष असल्यामुळे त्यांचे हात बांधले गेले होते. मात्र, आता नाना भाजप सरकारवर तुटून पडणार आहेत, हे निश्चित.