नागपूर ः भरधाव ट्रकने एका ट्रिपलसीट दुचाकीला धडक दिली. या अपघातात गंभीर जखमी झालेल्या आईने मुलाच्या मांडीवरच जीव सोडला तर त्याच्यासह मुलगी गंभीर जखमी झाली. ही हृदयद्रावक घटना रविवारी रात्री अकरा वाजता नवीन काटोल नाका परिसरात घडली.
शांताबाई बाबाराव बरडे (वय ६५ रा.दर्शन कॉलनी ) असे मृताचे तर सुधीर बाबाराव बरडे (वय ४०) व त्यांची मुलगी नंदिनी (वय ५) अशी जखमींचे नाव आहेत. रविवारी रात्री सुधीर, त्यांची आई व मुलगी हे कळमेश्वर येथून मोटरसायकलने येत होते.
नवीन काटोल नाका परिसरात अज्ञात ट्रकने मोटरसायकलला धडक दिली. ट्रकच्या चाकाखाली आल्याने शांताबाई गंभीर जखमी झाल्या. मुलाने जखमी आईला मांडीवर घेतले. दरम्यान शांताबाई यांनी प्राण सोडला.
तर सुधीर व नंदिनी दुसऱ्या बाजूला पडल्याने जखमी झाले. याप्रकरणी गिट्टीखदान पोलिसांनी प्राणांतिक अपघाताचा गुन्हा दाखल करून ट्रकचालकाचा शोध सुरू केला आहे.
संपादन - अथर्व महांकाळ
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.