घुग्घुस (जि. चंद्रपूर) : घरी कुणीही नसल्याची संधी साधून भरदिवसा चोरट्यांनी कुलूप तोडून घरात प्रवेश केला. त्यानंतर घरातील आलमारीतील 30 तोळे सोने, 30 तोळे चांदी आणि 70 हजार रुपये रोख असा ऐवज लंपास केला. ही घटना शनिवारी (ता. 6) येथील साईनगर वॉर्डात उघडकीस आल्यानंतर पोलिस ठाण्यात तक्रार दाखल करण्यात आली. चोरीच्या घटना सातत्याने घडत असल्याने नागरिकांमध्ये दहशतीचे वातावरण निर्माण झाले आहे.
येथील साईनगर वॉर्ड राधाकृष्ण मंदिर परिसरात पाऊल नारायण जंगम हे कुटुंबीयांसह राहतात. घटनेच्या दिवशी पाऊल जंगम हे वेकोलित कामावर गेले होते. पत्नी व मुलगा कामानिमित्त कुलूप लावून घराबाहेर पडले. दुपारच्या सुमारास घरी कुणीही नसल्याची संधी साधून चोरट्यांनी घराचे कुलूप तोडून आतमध्ये प्रवेश केला. त्यानंतर आलमारीत ठेवून असलेले 17 तोळे सोने, 30 तोळे चांदी व 70 हजार रुपये रोख घेऊन पळ काढला.
काही वेळानंतर जंगम यांची पत्नी घरी परतली. यानंतर चोरीची घटना उघडकीस आली. घटनेची माहिती पोलिसांना देण्यात आली. पोलिसांनी घटनास्थळ गाठून पंचनामा केला. चोरट्यांविरुद्ध गुन्हा दाखल करून तपास सुरू केला आहे.
सकाळच्या सुमारास सराफा दुकानात चोरीची घटना घडली. त्याचा शोध घेत असतानाच दुपारी घरफोडी करण्यात आली. वाढत्या चोरीच्या घटनांमुळे नागरिकांत दहशतीचे वातावरण आहे. पोलिसांनी चोरीच्या घटनांवर अंकुश घालून चोरट्यांवर कारवाई करण्याची मागणी नागरिकांकडून केली जात आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.