Abddul Sattar : शेतकऱ्यांच्या हालअपेष्टा सर्वांनाच माहीत आहेत. यावर अनेकदा चर्चादेखील होते. मात्र, त्यावर ठोस अशी कोणतीच कारवाई केली जात नाही. मात्र, नव्यान सत्त्तेत आलेल्या शिंदे सरकारच्या कृषीमंत्री अब्दुल सत्तारांनी एका गरीब शेतकऱ्यासाठी मोठं पाऊलं उचललं असून, सध्या मेळघाटात सर्वदूर सत्तारांच्या नावाचीच चर्चा रंगली आहे. याचं कारणंदेखील खास असून, सत्तारांनी शेतकऱ्यांना चांगली घरं बांधून देण्याचं आश्वासन दिलं आणि त्याचं भूमिपुजनही सत्तारांनी केलं.
सत्तार सध्या अमरावती दौऱ्यावर असून, बुधवारी रात्री त्यांनी मेळघाटातील साद्राबाडी गावातील चुन्नीलाल पटेल यांच्या घरी पाहुणचार घेतला. तर सुनील धांडे या शेतकऱ्याच्या घरी मुक्कामी थांबले होते. यावेळी पाऊस आला त्यात धांडे आणि शैलेंद्र सावलकर यांची घरं गळत असल्याची बाब सत्तारांच्या निदर्शनास आली आणि सत्तारांनी थेट अधिकाऱ्यांना माझ्याकडून या दोन्ही शेतकऱ्यांना चांगली घरं बांधून मिळतील, असं आश्वासन दिले. त्यानंतर आज लगेचच या ठिकाणी जमिनीची मोजणी करण्यात आली त्यानंतर याचं भूमिपुजन करण्याचंही सत्तारांनी जाहीर केलं. त्यांच्या या कृतीची सध्या मेळघाटात जोरदार चर्चा सुरू आहे.
सत्तार सध्या शेतकऱ्यांचे दुःख त्यांच्या वेदना जाणून घेण्यासाठी ‘माझा एक दिवस माझ्या बळीराजासाठी’ या योजने अंतर्गत अमरावती दौऱ्यावर आहेत. त्यावेळी सत्तारांनी शेतकऱ्यांबाबत दाखवलेल्या या कृतीची जोरदार चर्चा सुरू असून अनेक जण त्यांच्यावर कौतुकाचं वर्षाव करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
