अकोला : पोलिस अधीक्षक यांचे संकल्पनेतून अकोला जिल्हा घटकातील विविध पोलिस स्टेशनमध्ये घडलेल्या गुन्ह्यातील आरोपीकडून हस्तगत केलेला मुद्देमाल फिर्यादीस परत करण्याबाबत मोहीम राबविण्यात आली. या अंतर्गत एकूण सात लाख तीन हजार ७८९ रुपयांचा मुद्देमाल फिर्यादीस सन्मानपूर्वक परत करण्यात आला.
पोलिस अधीक्षक संदीप घुगे यांचे संकल्पनेतून अकोला जिल्हा घटकातील सर्व पोलिस स्टेशन अंतर्गत दाखल गुन्ह्यातील जप्त मुद्देमाल फिर्यादीस परत करण्याची विशेष मोहिम आयोजित करण्यात आली आहे. मोहिमेतून जास्तीत जास्त मुद्देमाल फिर्यादीस परत करण्याबाबत अकोला जिल्हा घटकातील सर्व पोलिस स्टेशन स्तरावर मोहीम राबविण्याबाबत प्रभारी अधिकारी यांना सूचना देण्यात आल्या होत्या.
त्या अनुषंगाने ता. ३१ मे २०२३ रोजी अकोला जिल्हा घटकातील सर्व पो.स्टे. स्तरावर गुन्ह्यात आरोपीकडून हस्तगत करण्यात आलेला मुद्देमाल फिर्यादीस परत करण्यात आला. यात एक लाख ९० हजारांची एकूण सहा वाहने, ९६ हजारांचे सहा मोबाईल व एक सलाख ३६ हजार ४४९ रुपयांचे सोन्या-चांदीचे दागिने व रोख रक्कम आणि दोन लाख ८१ हजार ३४० रुपयांचा इतर मुद्देमाल, असा एकूण सात लाख तीन हजार ७८९ रुपयांचा मुद्देमाल फिर्यादीस सन्मानपूर्वक परत करण्यात आला.
भविष्यात अशाच प्रकारे मोहीम राबवून जास्तीत जास्त जप्त मुद्देमाल फिर्यादीस परत करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
