अमरावती : ग्रामीण भागातून तीन तर शहरातून एक, अशा चार मुलींचे अपहरण झाले. नांदगावखंडेश्वर, माहुली जहाँगीर व येवदा ठाण्याच्या हद्दीतून तीन अल्पवयीन मुलींचे अपहरण करण्यात आले.
नांदगावहद्दीत आजीकडे राहणारी मुलगी किराणा दुकानातून येत असल्याचे सांगून घराबाहेर पडली. ती परत आलीच नाही. तिला कुणीतरी फूस लावून पळवून नेले, अशी तक्रार पालकांनी केली. नांदगावखंडेश्वर पोलिसांनी अनोळखी व्यक्तीविरुद्ध अपहरणाचा गुन्हा दाखल केला आहे. माहुली पोलिस ठाण्यांतर्गत शेंदोळाखुर्द गावात आईवडील बाहेरगावी गेले असताना अल्पवयीन मुलीला संशयित आकाश मोहोड याने फूस लावून पळवून नेले, असा आरोप अपहृत मुलीच्या पालकांनी केला.
माहुली पोलिसांनी संशयित आकाशविरुद्ध अपहरणाचा गुन्हा दाखल केला. येवदा ठाण्याच्या हद्दीत तेलखेडा गावातून युवती संगणक क्लासचे कारण सांगून घराबाहेर पडली. ती परत आलीच नाही. तिला आमिष दाखवून फूस लावून पळवून नेल्याची तक्रार तिच्या पालकांनी येवदा पोलिसांत नोंदविली आहे.
शहरातील राजापेठ ठाण्याच्या हद्दीत प्रेमसंबंधातून मुलीचे संशयित सुमित खडसे याने अपहरण केले, असा आरोप अपहृत मुलीच्या पालकांनी तक्रारीत केला आहे. पोलिसांनी महिलेच्या तक्रारीवरून संशयित सुमितविरुद्ध अपहरणाचा गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
