अमरावती - अंजनगावसुर्जी तालुक्यातील पांढरी खानमपुर गावातील एका शेतात मजुरी करणाऱ्या महिलेचा त्याच गावातील युवकाने विहीरीत ढकलून खून केला. बुधवार ६ सप्टेंबर रोजी सकाळी दहाच्या सुमारास ही घटना उघडकीस आली.
बसंती इवने असे हत्या झालेल्या नाव आहे. गौरव प्रकाश हटवार असे हत्या करणाऱ्या संशयित युवकाचे नाव आहे. बसंती ही मध्यप्रदेशातील मालेगाव येथील रहिवासी असून, ती काही दिवसापासून पांढरी येथील शेतकरी ज्ञानेश्वर दाभाडे यांच्या शेतात राहुन मजुरी करायची.
त्यातुन तिचा व मुलाचा उदरनिर्वाह व्हायचा. संशयित गौरव हटवार हा देखील त्याच शेतात मजुरी करीत होता. त्यातून त्यांचे सुत जुळले. ५ सप्टेंबर रोजी बसंती ही, शेतातील गोठ्यात रात्रीच्या वेळी झोपली होती.
संशयित गौरव याने तिला मारहाण करून विहिरीत ढकलून जीवे मारले. त्यानंतर संशयित गौरव हा पसार झाला. महिलेच्या दहा वर्षाच्या मुलाने हा घटनाक्रम डोळ्यांनी बघितला.
त्याने शेतमालक यांना फोन करून घटनेची माहिती दिली. शेतमालक दाभाडे यांनी अंजनगाव सुर्जी पोलिसांना कळवले. आदिवासी महिलेला मृतदेह पोलिसांच्या उपस्थितीत बाहेर काढून पंचनामा करून, मृतदेह उत्तरीय तपासणीसाठी ग्रामीण रुग्णालयात पाठवीला.हत्येचे कारण समजु शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
