अमरावती : शहरातील गाडगेनगर ठाण्याच्या हद्दीतील एका १७ वर्षीय अल्पवयीन मुलीचे अपहरण (Abduction of a minor girl) वाममार्गाने लावण्याच्या उद्देशाने विकण्याचा प्रयत्न सुरू असल्याचा प्रकार उघडकीस आला. परंतु, पोलिसांच्या प्रयत्नाने त्याला आळा बसला. गाडगेनगर पोलिसांनी याप्रकरणी अल्पवयीन मुलीच्या पित्याच्या तक्रारीवरून एका ३१ वर्षीय महिलेविरुद्ध (31 year old woman arrested) अपहरणासह पिटा अॅक्ट अन्वये गुन्हा दाखल केला. (An-attempt-to-abduct-and-sell-the-girl-failed-in-Amravati)
शुक्रवारी अल्पवयीन मुलगी कुणालाही न सांगता घरून निघून गेली होती. अल्पवयीन मुलीच्या संपर्कात असलेल्या युवकाने तिला एक मोबाईल सुद्धा घेऊन दिला होता. पित्याने मुलीच्या अपहरणाची तक्रार गाडगेनगर ठाण्यात दाखल केली. शनिवारी अल्पवयीन मुलगी आणि संशयित आरोपी महिलेसोबत मध्यवर्ती बसस्थानक परिसरात फिरताना दिसली. सदर महिलेसह अल्पवयीन मुलीला गाडगेनगर पोलिसांनी ताब्यात घेऊन त्यांची चौकशी सुरू केली.
प्राथमिक चौकशीतून ज्या महिलेने मुलीच्या अपहरणाचा डाव रचला तीच मुलीला वाममार्गावर जाण्यासाठी प्रवृत्त करीत असल्याचा संशय पोलिसांना आला. त्यामुळे मुलीचे अपहरण करणाऱ्या महिलेविरुद्ध अपहरण, पिटा अॅक्ट अन्वये गुन्हा दाखल करून अटक करण्यात आली. या मुलीला बाहेर ठिकाणी नेऊन विकण्याची भीती होती, असे पोलिसांनी सांगितले. महिलेला न्यायालयासमोर हजर केले असता न्यायालयाने संशयित आरोपी महिलेला न्यायालयीन कोठडी सुनावली. असे गाडगेनगरचे पोलिस निरीक्षक आसाराम चोरमले यांनी सांगितले. पोलिसांनी अल्पवयीन मुलीला तिच्या पालकांच्या स्वाधीन केले.
(An-attempt-to-abduct-and-sell-the-girl-failed-in-Amravati)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
