Ashadhi Wari : आषाढीसाठी अकोला विभागातून २२० ‘विठाई एक्स्प्रेस’ धावणार‎! २५ जूनपासून सुरुवात

अकोला : पंढरपूर येथील आषाढी वारीसाठी‎ अकोला एसटी विभागाने २२० वारी विशेष ‘विठाई एक्स्प्रेस’ गाड्या सोडण्याचा निर्णय घेतला आहे. त्याचे नियोजन करण्यात आले असून, २५ जून ते ४ जुलैदरम्यान अकोला स्थानकावरून या गाड्या सोडण्यात येणार आहेत. तयारी‎ केली आहे.

यावर्षी ता. २९ जून रोजी आषाढी‎ एकादशी आहे. उत्सवासाठी पंढरपूर‎ येथील विठुरायाच्या दर्शनासाठी‎ अकोला जिल्ह्यातील लाखो भाविक जातात. जिल्ह्याच्या विविध भागातून निघणाऱ्या पालख्यांसोबतही‎ भाविक पायी पंढरपूरला जातात.‎ पायी जाणाऱ्या वारकऱ्यांसह‎ वाहनांद्वारे जाणाऱ्यांचीही संख्या‎ मोठी असते. त्यामुळे एसटी बसवर प्रवाशांची गर्दी होते.

गर्दीच्या काळात भाविकांची गैरसोय होऊ नये म्हणून एसटीच्या अकोला विभागाने वारीसाठी विशेष बस गाड्यांचे‎ नियोजन केले आहे.‎ वारीसाठी जाणाऱ्या भाविकांना वेळेत पोहोचता यावे म्हणून ता. २५ जूनपासून पंढरपूरकडे‎ गाड्या सोडण्यात येणार आहे. वारीनंतर ४ जुलैपर्यंत परत येणाऱ्या प्रवाशांची संख्या बघता बस सोडण्यात‎ येणार आहे. अकोला विभागात‎ एकूण नऊ आगार आहेत. या नऊ आगारातून‎ एकूण २०० बस प्रवाशांसाठी‎ उपलब्ध करून देण्यात येणार‎ आहेत.‎

‘ना नफा ना तोटा’ पद्धतीने सोडणार बस

पंढरपूर यात्रेसाठी एसटी महामंडळाकडून ‘ना नफा ना तोटा’ या तत्‍वावर‎ बस सोडण्यात येणार आहे. बसच्या क्षमतेपेक्षा ७५‎ टक्केच प्रवाशांनी एखाद्या‎ बसमधून प्रवास केला तर, ना नफा‎ तोटा या पद्धतीने बस चालते.‎ अर्थात महामंडळाचा ब्रेक- इव्हन‎ ७५ टक्के लोड फॅक्टरवर आहे.‎ त्यामुळे यात्रेच्या काळात लोड‎ फॅक्टर त्यापेक्षा कमी येणार नाही,‎ तसेच महामंडळाचे नुकसान‎ होणार नाही, याची दक्षता घेतली‎ जाणार आहे.‎

इतर विभागातून घेणार ७५ गाड्या

अकोला विभागात येणाऱ्या अकोला व वाशीम जिल्ह्यातील सर्व आगारमिळून २२० बस पंढरपुरकरिता पाठविल्या जाणार आहेत. मात्र, विभागात या गाड्यांचे नियोजन करताना ७५ गाड्या कमी पडत असल्याने इतर विभागातून या गाड्या बोलावून नियोजन केले जाणार आहे.

आगारनिहाय्य गाड्यांचे नियोजन

अकोला १ : ३०

अकोला २ : ४२

अकोट : १६

कारंजा : १६

मंगळरुळपीर : १६

वाशीम : ४२

रिसोड : ३८

तेल्हारा : १३

मूर्तिजापूर : ०७

एकूण : २२०