लाखनी (जि. भंडारा) : दिवाळी संपताच सुरू होते बहीण भावाचा सन म्हणजेच भाऊबीज परंतु बहिणीकडून भाऊबिजेची ओवाळणी करून गावी परत येत असताना मोटारसायकल नाल्यात पडल्याने दोन तरुणांचा मृत्यू झाल्याची घटना लाखनी तालुक्यात घडली आहे.
लाखनी तालुक्यातील रेंगेपार (कोहळी) येथील राकेश केवळराम देशमुख (२८) आणि महेश जगदीश कामथे (३२) दोघेही रा. रेंगेपार (कोहळी) हे दोघे साकोली तालुक्यातील शिवनीबांध येथे महेशच्या बहिणीच्या घरी शुक्रवारी गेले होते. भाऊबिजेची ओवाळणी करुन रात्री मोटरसायकलने भुगावमार्गे गावी परत येत होते. मात्र ते घरी परतले नाही त्यामुळे घरच्यांनी शोधा शोध केली असता शनिवारी सकाळी हे दोघेही नांहोरि जवळील नाल्यात पडलेले दिसले. रात्रभर दोघेही नाल्यात पडून राहिल्याने मृत्यू झाला असावा असा प्राथमिक अंदाज लावला जात आहे. पुढील तपास लाखनी पोलीस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
