![Buldhana Constituency Lok Sabha Election Result: बुलडाण्यात तुपकरांचा ठाकरेंना झटका; शिंदे गटाचे प्रतापराव जाधव विजयी](http://media.assettype.com/esakal%2F2024-06%2F4335d2c4-992c-4a0b-bbf4-b29494c97d48%2Fbuldana.jpg?w=480&auto=format%2Ccompress&fit=max)
Buldhana Lok Sabha Election Result 2024 : बुलढाणा लोकसभा मतदारसंघात यंदा शिवसेनेच्या फुटीमुळं परिस्थिती बदलली होती. त्यामुळं या फुटीचा फायदा अपक्ष आमदार रविकांत तुपकरांना होईल असं वाटतं होतं. पण इथल्या जनतेनं शिंदेंचे उमेदवार प्रतापराव जाधव यांना पसंती दिल्यानं त्यांचा विजय झाला आहे.
बुलडाणा लोकसभेत बुलढाणा आणि मेहकर विधानसभा मतदारसंघात शिवसेनेचे, खामगाव, जळगाव जामोद आणि चिखलीत भाजपचे, तर सिंदखेडराजा मतदारसंघात राष्ट्रवादी काँग्रेसचे आमदार आहेत. लोकसभा मतदारसंघावर गेल्या पंचवीस वर्षांपासून शिवसेनेचा ताबा आहे. पण यंदा शिवसेनेत फूट पडल्यानं इथं महायुतीकडून शिंदेंच्या सेनेचे प्रतापराव जाधव तर महाविकास आघाडीकडून ठाकरेंच्या सेनेचे नरेंद्र खेडेकर यांच्यात लढत होत आहे.
पण तिसरा फॅक्टरही इथं महत्वाची भूमिका बजावत आहे. तो म्हणजे अपक्ष उमेदवार रविकांत तुपकर. शेतकरी नेते म्हणून तुपकर अवघ्या महाराष्ट्राला माहिती आहे. बुलडाण्यात शेतकरी वर्ग मोठा असल्यानं इथं तुपकरांची देखील हवा होती.
बुलडाण्यात यंदा ६२.०३ टक्के इतकं मतदान झालं आहे. गेल्या वर्षीच्या तुलनेत ही टक्केवारी वाढली आहे. पण गेल्यावेळी बुलडाण्यात वंचित बहुजन आघाडी फॅक्टर महत्वाचा ठरला होता. त्यामुळं राष्ट्रवादीच्या उमेदवाराला पराभवाचा सामना करावा लागला आणि शिवसेनेचे प्रतापराव जाधव निवडून आले होते. यंदाही वंचित फॅक्टर इथं महत्वाचा ठरणार आहे.
प्रतापराव जाधव (शिवसेना) विजयी मते : ५,२१,९७७
डॉ. राजेंद्र शिंगणे (राष्ट्रवादी काँग्रेस) मते : ३,८८,६९०
बळीराम शिरसकर (वंचित बहुजन आघाडी) मते : १,७२,६२७
नोटा मते : ७,६८१
विजयी उमेदवारांचे मताधिक्य : १,३३,२८७
खामगाव जालना रेल्वे मार्ग
खारपानपट्ट्यामुळे होणारे आजार, पाण्याचा गंभीर प्रश्न
लोणार सरोवर संवर्धन आराखडा
सिंदखेडराजा जिजाऊ जन्मस्थळ विकास आराखडा
जिल्ह्याचे ठिकाण असलेल्या मुलांना शहराचा औद्योगिक विकास
रोजगाराचा प्रमुख विषय
बुलडाणा - ५३.९६ टक्के
चिखली - ६२.२१ टक्के
जळगाव जामोद - ६३.५८ टक्के
खामगाव - ६६.२७ टक्के
मेहकर - ६४.८४ टक्के
सिंदखेडराजा - ६१.३४ टक्के
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.