चंद्रपूर : भरधाव वाहनावरील नियंत्रण सुटल्याने चारचाकी वाहन उड्डाणपुलावरून खाली कोसळले. या अपघातात (Accident) दोन युवकांचा मृत्यू (Death) झाला. तर, दोघे गंभीर जखमी झाले. ही घटना रविवारी (ता. १९) दुपारी ४ वाजताच्या सुमारास चंद्रपूर-बल्लारपूर मार्गावरील बाबुपेठ बायपास उड्डाणपूल परिसरात घडली. अभिषेक गुप्ता असे एका मृत युवकाचे नाव असून, अन्य युवकांची नावे कळू शकली नाही.
बल्लारपूर येथून एमएच ३४-बीआर ०१४१ क्रमांकाचे चारचाकी वाहन घेऊन चार युवक चंद्रपूरकडे निघाले होते. बाबुपेठ बायपास मार्गावरील उड्डाणपुलावर चालकाचे वाहनावरील नियंत्रण सुटले. त्यामुळे वाहन पुलाच्या खाली कोसळले. या अपघातात अभिषेक गुप्ता याचा घटनास्थळीच मृत्यू झाला. तर, अन्य एका युवकाचा उपचारादरम्यान मृत्यू झाला. दोघांवर उपचार सुरू असून, त्यांची प्रकृती गंभीर आहे.
घटनेनंतर परिसरातील नागरिकांनी घटनास्थळावर मोठी गर्दी केली. नागरिकांनीच युवकांना वाहनातून बाहेर काढून रुग्णालयात उपचारासाठी दाखल केले. घटनेची माहिती मिळताच पोलिसांनी घटनास्थळ गाठून पंचनामा केला. मृतदेह उत्तरीय तपासणीसाठी पाठविला. चारही युवक मद्य प्राशन करून होते, अशी घटनास्थळावर उपस्थित नागरिकांमध्ये चर्चा आहे. पुढील तपास पोलिस करीत आहेत. सदर युवक बल्लारपूर येथील रहिवासी असल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
