Lok Sabha Poll 2024 : नगरपालिका प्रशासनाकडून भगव्या झेंडे काढण्यावरून आक्षेप; बजरंग दलाची तक्रार

कारंजा -लोकसभा निवडणुकीची आचारसंहिता लागू झाल्यानंतर नगरपालिका प्रशासनाने आपल्या पालिका कर्मचाऱ्यांना शहरातील भगवे झेंडे उतरवण्याचे आदेश दिले होते.मात्र पालिका प्रशासनाला भगवा ध्वज उतरवने ही पद्धत माहीत नसल्याचे दिसून येत आहे.

असा आरोप बजरंग दलाने केला. प्रशासनाने बांबूला हुक जोडून शहरातील प्रत्येक घरावरील भगवान श्री रामाचे चित्र असलेला भगवा ध्वज बाहेर काढला आणि तो फाडून भगवा ध्वज विद्रूप केला असा आरोप तक्रारीत केला आहे.

नगरपालिका प्रशासनाने काढलेल्या झेंड्यांची संख्या ५००च्यावरआहे. त्यांनी हे काढलेले झेंडे नगरपरिषदेत नेऊन टिनाच्या छपरावर फेकून दिले. कारंजा शहरात फक्त भगवा ध्वज काढण्यात आला असून इतर रंगांचे झेंडेही लावण्यात आले आहेत.

महापालिका प्रशासनाला हे न दिसणारे आहे का,पालिका कर्मचाऱ्यांनी हा भगवा ध्वज काढून संताप व्यक्त केला का, त्यांच्यावर कठोरात कठोर कारवाई करण्याची मागणी विश्व हिंदू परिषद आणि बजरंग दलाच्या कार्यकर्त्यांनी महाराष्ट्राचे उपमुख्यमंत्री देवेंद्र फडणवीस, येथील पोलीस स्टेशन आणि नगर परिषदेचे मुख्याधिकारी आदींकडे लेखी तक्रारीत केली आहे.