चंद्रपूर : भोजनालय चालविणाऱ्या संचालक दाम्पत्याने भोजनालयातच गळफास घेऊन आत्महत्या केली. शहरातील बायपास मार्गावर ही घटना सोमवारी (ता. २६) सकाळच्या सुमारास उघडकीस आली. चंद्रभान दुबे (वय ६०), मंजू दुबे (५०) अशी मृतांची नावे आहेत. या घटनेमुळे शहरात खळबळ उडाली असून, आत्महत्येचे कारण कळू शकले नाही. (couple-committed-suicide-Chandrapur-Crime-News-suicid-News-nad86)
शहरातील बायपास मार्गावरील शासकीय अभियांत्रिकी महाविद्यालयासमोर दुबे यांच्या मालकीचे माँ ममता भोजनालय आहे. टॉवर टेकडी जुनोना रोड बाबूपेठ येथे वास्तव्य करणारे चंद्रभान दुबे, मंजू दुबे हे जोडपे भोजनालय चालवीत होते. आज सकाळच्या सुमारास या भोजनालयातून दुर्गंधी येत होती. त्यामुळे काही नागरिकांनी भोजनालयात बघितले असता दोन मृतदेह गळफास घेतलेल्या स्थितीत आढळून आले.
घटनेची माहिती पोलिसांना देण्यात आली. पोलिसांनी घटनास्थळ गाठून पाहणी केली, तेव्हा आत्महत्या करणारे भोजनालय संचालक दाम्पत्य असल्याचे समोर आले. मृतदेह कुजलेल्या स्थितीत होते. त्यामुळे तीन-चार दिवसांपूर्वी त्यांनी आत्महत्या केल्याचा अंदाज वर्तविला जात आहे. पोलिसांनी घटनास्थळाचा पंचनामा करून मृतदेह उत्तरीय तपासणीसाठी पाठविला. शहर पोलिस तपास करीत आहेत.
(couple-committed-suicide-Chandrapur-Crime-News-suicid-News-nad86)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
