साखरखेर्डा : येथील एका अल्पवयीन मुलीस फूस लावून पळवून नेवून लैंगिक अत्याचार केल्याप्रकरणी आरोपीस अटक करण्यात आली असून त्याला ३ दिवसांची १७ जून पर्यंत पोलिस कोठडी मिळाली आहे. पीडित मुलीवर ३१ मे ते १ जून दरम्यान अत्याचार झाला होता. याप्रकरणी मुलीच्या वडिलांच्या तक्रारीच्या आधारे सुरुवातीला फूस लावून पळून नेण्याचा गुन्हा दाखल करण्यात आला होता.
यानंतर वैद्यकीय तपासणीच्या आधारे साखरखेर्डा पोलिसांनी बलात्काराचा गुन्हा दाखल केला.मुलीच्या वडिलांनी पोलिसात तक्रार दिली आहे की, ३१ मे चे रात्री ते स्वतः पत्नीसह घरात झोपले असता मुलगी (१७ वर्ष) ही मागच्या घरात झोपली होती. सकाळी उठून पाहिले असता मुलगी दिसून आली नाही. घराभोवती नेहमी चकरा मारणारा आकाश नामक युवकाने माझ्या मुलीला फूस लावून पळवून नेले.
सदर फिर्यादीनंतर पोलिसांनी आरोपी आकाश यास अटक केली.१ जूनला आरोपीविरुद्ध प्रथम फूस लावून पळविल्याप्रकरणी कलम ३६३ भादंवि.नुसार गुन्हा दाखल केला होता. मात्र आरोपीस अटक केल्यानंतर दोहोंचीही वैद्यकीय तपासणी केल्यानंतर आरोपीविरुद्ध कलम ३७६(२)(N) भादंवि सह कलम ४,१२ बाललैंगिक अत्याचार प्रतिबंधक कायद्यानुसार गुन्ह्यात वाढ करण्यात आली आहे. वैद्यकीय तपासणी करून न्यायालयात हजर केले. असता न्यायालयाने आरोपीस १७ जून पर्यंत पोलिस कोठडीत रवानगी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
