हिवरखेड : अकोला, अमरावती, बुलढाणा या तीन जिल्ह्यांच्या सीमेवर असलेला हिवरखेड नजीकचा वारी हनुमान येथील वान प्रकल्पाची पाणी पातळी ९५ टक्के झाली आहे. ता. २२ सप्टेंबर रोजी सायंकाळी ५ वाजता प्रकल्पाने निर्धारित पाणी साठवण क्षमता गाठली आहे.
वान प्रकल्प पाणी पातळी ४११.१९ मीटर असून, ९५.१८ टक्के पाणीसाठा झाला आहे. वान प्रकल्पाच्या मंजूर जलाशय परिचालन सुची नुसार प्रकल्पामध्ये सप्टेंबरअखेर ९५.२४ टक्के पाणी साठा असणे निर्धारित आहे. धरणाच्या पाणलोट क्षेत्रामध्ये पाऊस सुरू असून, धरणाच्या सुरक्षेच्या दृष्टीने येणाऱ्या येव्या नुसार कोणत्याही क्षणी वक्रद्वार प्रचलित करून पुराचे पाणी नदीपात्रामध्ये सोडण्याचा निर्णय घेण्यात येईल.
त्यामुळे नदी काठच्या गावांतील नागरिकांनी सावध राहावे तसेच नदी पात्र ओलांडू नये, असे आवाहन प्रशासनाच्या वतीने करण्यात आले आहे. नदीकाठावरील गावांना आपल्या स्तरावरून सतर्क करण्यात यावे, असे आवाहन वान प्रकल्प पूर नियंत्रण कक्ष वान प्रकल्प शाखा अभियंता नयन लोणारे यांनी केले आहे.
प्रकल्पाची १०० टक्क्यांकडे वाटचाल
अकोला जिह्यात प्रसिद्ध वारी हनुमान येथील हनुमान सागर प्रकल्प परिसरात मागील बारा तासापासून मुसळधार व सततधार पावसामुळे सद्यस्थितीत हनुमान सागर वान प्रकल्पात ९५.१८ टक्के जलसाठा असल्याची माहिती वान प्रकल्प शाखा अभियंता नयन लोणारे यांनी दिली. यावर्षी सुद्धा श्री हनुमान सागर पूर्णता भरल्यामुळे शेतकऱ्यांना रब्बीत सिंचनासाठी पाणी मिळू शकेल. सोबतच शेकाडो गावातील नागरिकाच्या पिण्याची तहान भागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
