वरोरा (जि. चंद्रपूर) : येथील द्वारकानगरीतील एका कुटुंबातील आईवडील आणि मुलगा असे तिघे १६ जुलैपासून बेपत्ता आहेत. यातील मुलाचा मृतदेह वर्धा नदीत आढळून आला; मात्र अजूनही दोघांचा शोध लागलेला नाही. (Dead-Body-Found-Mother-Father-Not-Found-Chandrapur-Crime-News-nad86)
शहरातील द्वारकानगरीत संजय बापूराव जांभूळकर (वय ४८) हे पत्नी वैशाली आणि मुलगा वेदानत यांच्यासोबत राहत होते. संजय हे एका खासगी कृषी कंपनीत नोकरीला होते. तर, वेदान्तने यावर्षी दहावीची परीक्षा दिली होती. १६ जुलैला सकाळी बाहेरगावी जाण्यासाठी तिघेही दुचाकीने घराबाहेर पडले; मात्र तीन-चार दिवस लोटूनही ते घरी परतले नाही. त्यामुळे संजय यांचा भाऊ रवींद्र बापूराव जांभूळकर यांनी तिघे जण बेपत्ता असल्याची तक्रार वरोरा पोलिस ठाण्यात दिली.
पोलिसांनी गुन्हा दाखल करून तिघांचा शोध घेणे सुरू केले. अशात १९ जुलैला एका मुलाचा मृतदेह सोईट गावाजवळील वर्धा नदीपात्रात आढळून आला. तर, २४ जुलैला घुग्गुस येथे महिला-पुरुषाचे मृतदेह आढळून आले. पोलिसांनी तिन्ही मृतदेहांची ओळख पटविण्यासाठी भाऊ रवींद्र आणि इतर नातेवाइकांना चंद्रपूर येथे आणले.
नातेवाइकांनी मुलाचा मृतदेह हा वेदान्तचा असल्याची ओळख पटली. मात्र, महिला व पुरुषाचे मृतदेह कुजलेल्या अवस्थेत असल्यामुळे त्यांची ओळख पटली नाही. हे तिघे दुचाकीने नेमके कुठे निघाले होते, वेदान्तचा मृतदेह वर्धा नदीत कसा आला, यामागे घातपात तर नाही ना, याचा तपास वरोरा आणि घुग्गुस पोलिस करीत आहेत.
(Dead-Body-Found-Mother-Father-Not-Found-Chandrapur-Crime-News-nad86)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
