लाखनी (जि. भंडारा) : तालुक्यातील पालांदूर (चौरस ) लगत जेवनाळा गावाजवळ असलेल्या मचारना येथील अल्पभूधारक शेतकरी सततच्या नापिकीला व कर्जाला कंटाळून स्वतःच्या शेतामध्ये अटॅक नावाचे कीटकनाशक प्राशन करून आत्महत्या केल्याची घटना शुक्रवारी (ता. ५) ला दुपारी १२.०० वाजता उघडकीस आली. नंलिद्र श्रावण बडोले वय ४७ वर्ष मचारणा असे आत्महत्याग्रस्त शेतकऱ्याचे नाव आहे.
शेतात होणारी सततची नापिकी,कोरडा दुष्काळ व अतिवृष्टी तसेच धान पिकावरील अनेक प्रकारच्या किडींचा प्रादुर्भाव यामुळे उत्पन्नापेक्षा खर्च अधिक होत असल्यामुळे ते आर्थिक विवंचनेत होते.
बदलत्या महागाईनुसार कुटुंबाचे उदरनिर्वाह व इतर गरजा पूर्ण करण्याकरिता पैशाची समस्या भासू लागली त्यामुळे बँकेतील तसेच सेवा सहकारी संस्था आणि शेजारील नातेवाईक व विटाभट्टी ठेकेदार यांचेकडून असे एकूण दोन लाखाचे कर्ज घेतले होते हे कर्ज कसे फेडावे याचे नेहमी विवंचनेत राहत त्यातून शेतामध्येच अटॅक नावाचे कीटकनाशक प्राशन करून आत्महत्या केली.
घटनेची माहिती पालांदूर पोलिसांना देण्यात आली पोलिसांनी अकस्मात मृत्यूची नोंद करून शवविच्छेदनाचाकरिता प्रेत लाखनी ग्रामीण रुग्णालयात पाठवले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.