भंडारा - वास्तुपूजन म्हणजे घराच्या समृद्धीसाठी आणि नवीन घरातील स्वागतासाठी केलेली पूजा. मात्र लॉकडाउन (Corona Lockdown) काळात वास्तुपूजन करून अनधिकृतरित्या सार्वजनिक जेवण देणं एका व्यक्तीला चांगलंच महागात पडलं आहे. या सार्वजनिक जेवणात तब्बल 104 लोकांना जेवणातून विषबाधा (Food Poisoning) झाल्याची धक्कादायक घटना भंडारा तालुक्याच्या कोथूरुणा येथे घडली आहे. (Food poisoning to 104 people in Bhandara district)
कौथुरना गावातील गजानन खोकले यांच्या घरी काल वास्तु पूजनाचा कार्यक्रम होता. आजूबाजूच्या तब्बल 12 गावातील तब्बल 200 लोक या कार्यक्रमात हजर होते. लोक घरी गेल्यांवर दुसऱ्या दिवशी लोकांना सकाळी अचानक अपचन, मळमळ, उलट्या असा त्रास होऊ लागला. अचानक लोकांची गर्दी कौथुरना प्राथमिक केंद्रात होऊ लागली. त्यानंतर तपासात वास्तूच्या जेवणातून हा प्रकार झाल्याचे उघड़ झाले. यात तब्बल 104 लोकांना विषबाधा झाली.
घटनेचे गांभीर्य लक्षात घेता भंडाऱ्यातुन वैद्यकीय पथक गावात दाखल झाले. याप्रकरणी तब्बल 103 लोकांना प्राथमिक उपचार करून घरी पाठवण्यात आलं असून एका महिलेला उपचारासाठी रुग्णालयात दाखल करण्यात आलं आहे. सर्वांची प्रकृती स्थिर आहे.
या वास्तुपूजनाचे आयोजक घरमालक गजानन खोकले यांनासुद्धा विषबाधा झाली असून त्यांना प्राथमिक उपचार करून पाठवण्यात आलं आहे.
(Food poisoning to 104 people in Bhandara district)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
