मानलं या चिमुरड्याच्या बुद्धीमत्तेला! इंडिया बुक ऑफ रेकॉर्डला घ्यावी लागली नोंद

गोरेगाव (जि. गोंदिया) : येथील मॉडेल कॉन्व्हेंट अॅण्ड सायन्स ज्युनिअर कॉलेज येथे नर्सरीत शिक्षण घेत असलेला विद्यार्थी अनुदीप अंकुश चव्हाण (वय साडेतीन वर्षे) याने देशपातळीवर झालेल्या जनरल नॉलेज स्पर्धेत २०० प्रश्नांची उत्तरे तोंडपाठ दिल्याने त्याचे नाव इंडिया बुक ऑफ रेकॉर्डमध्ये नोंद करण्यात आले.

अनुदीपने २०० प्रश्नांचे जनरल नॉलेजची उत्तरे दिले आहेत. त्याला देशपातळीवरील अनेक प्रश्न तोंडपाठ आहेत. अनेक गोष्टी लक्षात ठेवण्याच्या त्यांच्या क्षमतेची दखल घेत इंडिया बुक ऑफ रेकॉर्डने त्याला कौतुकाचे प्रमाणपत्र दिले आहे.

त्याचे आई वडील, संस्था संचालक आर. डी. कटरे, प्रशासकीय अधिकारी सी. बी. पटले, प्राचार्य सी. पी. मेश्राम, पर्यवेक्षक कु. एस. डी. चिचामे, वर्गशिक्षक आर. बी. पटले, लिपिक आर. बी. कांबळे यंच्यासह शिक्षक तसेच शिक्षकेत्तर कर्मचाऱ्यांनी काैतुक केले.