खामगाव : तालुक्यातील शिरला नेमाने येथील मन प्रकल्पात १०० टक्के जलसाठा झाला आहे. यामुळे या प्रकल्पावर अवलंबून असलेल्या खामगाव शहरासह २१ गावांतील नागरिकांचा पाणीप्रश्न मिटला आहे. तसेच सिंचनासाठी देखील पाणी उपलब्ध होणार आहे.
खामगाव तालुक्यातील शिरला परिसरातील मन प्रकल्पावरून २१ गाव पाणीपुरवठा योजना कार्यान्वित करण्यात आली आहे. तर खामगाव शहराला सुद्धा पिण्याच्या पाण्यासाठी पुरवठा सुरू झाला आहे. या योजनेंतर्गत परिसरातील लाखनवाडा, आंबेटाकळी, शिरला, कंचनपूर, बोथाकाजी, बोरी, अडगाव, आसा, दुधा, चिचपूर, फतेपूर, उमरा, अटाळी, कदमापूर, घारोड, आकोली, जयराम गड, पेडका, शहापूर अशा २१ गावांमध्ये पाणीपुरवठा करण्यात येतो.
सुरुवातीपासूनच यावर्षी पाऊस झाला. परिणामी, नदी नाले वाहत आहेत. मन प्रकल्पा अंतर्गत पाणीपुरवठा करण्यात याव्यतिरिक्त दुसरे कोणतेही पाण्याचे स्त्रोत या भागांमध्ये उपलब्ध नाही. परंतु यावर्षी चांगला पाऊस झाल्याने प्रकल्पात १०० टक्के जलसाठा झाला आहे. यामुळे परिसरातील नागरिकांना यावर्षी मुबलक पाणी उपलब्ध राहणार आहे. प्रकल्प १०० टक्के भरल्यामुळे पिण्याच्या पाण्यासोबतच सिंचनाचा प्रश्न देखील मिटला आहे.
रबीचे पीक बहरणार
यावर्षी दमदार पाऊस पडल्याने प्रकल्पात भरपूर पाणीसाठा झाला आहे. प्रकल्प १०० टक्के भरला आहे. त्यामुळे येणाऱ्या रबी हंगामासाठी शेतकऱ्यांना पाणी मिळण्याचा मार्ग मोकळा झाला आहे. चार हजार हेक्टरवर रबीचे पीक बहरणार आहे.
सुरुवातीपासूनच यावर्षी पाऊस झाला. परिणामी, नदी नाले वाहत आहेत. मन प्रकल्पांतर्गत पाणीपुरवठा करण्यात येणाऱ्या गावांचा पिण्याच्या पाण्याचा प्रश्न मिटला आहे. त्याचबरोबर सिंचन सुद्धा मोठ्या प्रमाणात होईल.
- के. एस. लोहार, उपविभागीय अधिकारी शिरला मन प्रकल्प
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.