मोखाडा - मोखाड्यातील वैतरणा नदीचे पात्र ओलांडतांना, सावर्डे येथील भास्कर पादीर आणि रूचिका पवार हे दोघे नदीच्या प्रवाहात वाहुन गेले आहेत. त्यावेळी तेथे असलेल्या नागरीकांनी व भास्कर पादीर यांनी रूचिता पवार (11) हिला वाचवले आहे. मात्र, या प्रवाहात भास्कर पादीर वाहुन गेले आहेत. शनिवारी संध्याकाळी सदरची घटना घडली असुन ऐन गणेशोत्सव सुरू होत असतांना, सावर्डे गावावर शोककळा पसरली आहे.