समुद्रपूर (जि.वर्धा) : घरी दोघीच मायलेकी. यात लेक बिमार आणि आई म्हातारी. रोजमजुरी करून कसेबसे पोट भरण्याची कसरत. याच कसरतीत दोघींना केव्हा कोरोनाने ग्रासले पत्ता लागला नाही. आलेल्या आजारपणाकडे दुर्लक्ष केल्याने अखेर या दोघींचा घरी मृत्यू झाला. ही घटना तालुक्‍यातील सावंगी (झाडे) येथे रविवारी (ता. दोन) सकाळी 10 वाजताच्या सुमारास उघड झाली.
तालुक्‍यातील सावंगी (झाडे) येथे रविवारी राहत्या घरीच माय-लेकीचा मृतदेह कुजलेल्या अवस्थेत आढळून आला. दुर्गंधी सुटल्याने हा प्रकार उघड झाला. या दोघींचा मृत्यू कोरोनाने झाल्याचे निदान सायंकाळी झालेल्या तपासणीत पुढे आले आहे. आईचे नाव सुभद्रा डोमाजी मांडवकर आणि मुलगी सुरेखा हरिश्चंद्र पाचखडे (वय 45) अशी मृतांची नावे असल्याची माहिती पोलिसांकडून देण्यात आली.
दोन्ही मृतांची तपासणी करण्यात आली असून ते शवविच्छेदन गृहात रवाना करण्यात आले आहे. या दोघी कुटुंबापसून वेगळ्या राहत असल्याने त्यांच्या मृत्यूचे कारण कळून आले नसल्याचे पोलिसांकडून सांगण्यात आले आहे.
आज सकाळी सुभद्रा यांची सुन जिजाबाई प्रकाश मांडवकर हिला घरातून दुर्गंध आली. यामुळे तिने घराकडे जाऊन पाहिले असता, दोघींचे मृतदेह सडलेल्या अवस्थेत आढळले. तिने याची माहिती घरील सदस्यांना व गावकऱ्यांना दिली. उपसरपंच अजय कुडे व पोलिस पाटील समीर धोटे यांनी तत्काळ पोलिस ठाण्यात संपर्क साधून घटनेची माहिती दिली. माहिती मिळताच पोलिसांनी घटनास्थळ गाठून पंचनामा केला.
या दोन्ही महिला शेतमजुरी करून स्वतःचा उदरनिर्वाह करीत होत्या. मुलगी सुरेखा सात-आठ वर्षापासून आजारी होती. त्यांचा मृत्यू नेमका कशामुळे झाला याचे कारण अस्पष्ट असून पुढील तपास ठाणेदार हेमंत चांदेवार यांच्या मार्गदर्शनात धनंजय पांडे, अमोल पुरी करीत आहे.
संपादन - अथर्व महांकाळ
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
