सबस्क्राईब करा
अमरावती : अमरावतीच्या खासदार नवनीत राणा यांच्या जात प्रमाणपत्राच्या मुद्यावर मुंबई उच्च न्यायालयाने दिलेल्या निकालाला नवनीत राणा यांनी सर्वोच्च न्यायालयात आव्हान दिले आहे. त्यावर गुरुवारी (ता. २) सुनावणी होणार आहे.
नवनीत राणा यांच्या जात प्रमाणपत्राच्या मुद्यावर माजी खासदार व शिवसेनेचे नेते आनंदराव अडसूळ यांनी आक्षेप घेतला होता. त्यावर त्यांनी मुंबई उच्च न्यायालयात याचिका दाखल केली होती. या याचिकेवरील सुनावणीनंतर उच्च न्यायालयाने नवनीत राणा यांचे जात प्रमाणपत्र रद्द करण्याचा निकाल दिला होता. उच्च न्यायालयाच्या या निकालाला नवनीत राणा यांनी सर्वोच्च न्यायालयात आव्हान दिले आहे. त्यावरील सुनावणी गुरुवारी (ता. २) होणार आहे.
२०१९ मध्ये झालेल्या लोकसभा निवडणुकीत नवनीत राणा यांनी अमरावती मतदारसंघातून निवडणूक लढविली होती. हा मतदारसंघ अनुसूचित जातीच्या उमेदवारांसाठी राखीव आहे. ही निवडणूक त्यांनी जिंकली. त्यांनी यावेळी दाखल केलेले प्रमाणपत्र बनावट असल्याचा आरोप करीत माजी खासदार आनंदराव अडसूळ यांनी मुंबई उच्च न्यायालयात याचिका दाखल केली होती. त्यात नवनीत राणा यांच्या विरोधात निकाल लागल्याने निकालाला त्यांनी सर्वोच्च न्यायालयात आव्हान दिले आहे. या याचिकेवर गुरुवारी सुनावणी होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
