दिग्रस (जि. यवतमाळ) : फोनद्वारे त्रास देत असल्याच्या क्षुल्लक कारणातून वाद करीत तरुणाच्या डोक्‍यावर सेंट्रिंगच्या लाकूडद्वारे हल्ला करून खून केला. ही घटना सोमवारी सायंकाळी साडेपाच वाजताच्या सुमारास घडली. या घटनेने आरंभी येथे एकच खळबळ उडाली आहे.
रामेश्वर प्रेमसिंग पवार (वय २८, रा. आरंभी) असे मृताचे नाव आहे. तरुण गजानन राठोड याला मोबाइलवर फोन करून त्रास देत होता. या कारणातून रस्त्यावर रामेश्वर व गजानन राठोड यांच्यात वाद होऊन हाणामारी झाली. सेंट्रिंग लाकडाचा घाव डोक्‍यावर बसल्याने तरुण गंभीर जखमी झाला. त्याला तत्काळ उपचारासाठी दिग्रस येथील रुग्णालयात दाखल करण्यात आले. मात्र, रात्री साडेनऊ वाजता उपचारादरम्यान मृत्यू झाला.
याप्रकरणी भारत पवार याने दिग्रस पोलिस ठाण्यात तक्रार दिली. त्यावरून गजानन राठोड, दीपक राठोड (वय ४२), माणिक राठोड (वय ३८) सर्व रा. आरंभी यांच्यासह एका विधीसंघर्षग्रस्त बालकाविरुद्घ गुन्हा नोंदविला आहे.
दिग्रस पोलिसांनी घटनास्थळ गाठून पंचनामा केला. मृताच्या पश्‍चात आई, वडील, पत्नी व दोन मुले असा आप्तपरिवार आहे. पुढील तपास पोलिस निरीक्षक सोनाजी आम्ले यांच्या मार्गदर्शनात रवींद्र जगताप, नरेंद्र पुंड, ब्रह्मदेव टाले करीत आहे.
दारव्हा शहरातील तेलीपुरा भागात असलेल्या श्री लक्ष्मी ज्वेलर्सला शॉटसर्किटमुळे आग लागली. या आगीत दुकान जळून खाक झाले. यामध्ये पाच लाखांचे नुकसान झाल्याची माहिती आहे. शहराच्या मध्यवस्तीतील तेलीपुरा भागात सतीश गुल्हाने यांच्या मालकीचे श्रीलक्ष्मी ज्वेलर्स आहे. पहाटे चार वाजताच्या सुमारास शॉटसर्किटमुळे दुकानाला आग लागली. अग्निशमन वाहनाने आग विझविण्याचा प्रयत्न केला. पण आगीत दुकान जळून खाक झाले. दुकानातील फर्निचर, अडीच किलो चांदी, एक ग्रॅम सोन्याचे बेंटेक्‍स दागिने अशा एकूण पाच लाख रुपयांचे नुकसान झाले असल्याची माहिती आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.