अजब चोरट्यांचा अजब कारभार! खिशातील पैसे संपल्यानंतरच करायचे चोरी; इतरवेळी इमानदारी 

नागपूर ः गेल्या अनेक दिवसांपासून वॉंटेड असलेल्या चोरट्यांना हुडकेश्‍वर पोलिसांनी मोठ्या शिताफीने अटक केली. दोन्ही चोरटे केवळ दारू पार्टी आणि मित्रांसोबत मौजमजा करण्यासाठी चोरी करीत होते. ही कारवाई शनिवारी केली. शुभम दिलिप चाफले (२१, रा. न्यू म्हाळगीनगर) आणि संजय रामप्रसाद हेमने (१९, ब्रम्हनगर) असे अटकेतील चोरट्यांची नावे आहेत.

अधिक माहितीसाठी - राणे दाम्पत्य आत्महत्या प्रकरणाचे गूढ उकलले : कुत्र्याचे इंजेक्शन देऊन पत्नीने केला पती, मुलांचा खून

पोलिसांनी दिलेल्या माहितीनुसार, शुभम आणि संजय हे दोघेही मित्र असून गुन्हेगारीतूनच दोघांची ओळख झाली होती. अल्पवयीन असतानासुद्धा शुभम गुन्हेगारी कारवायात सहभाही असायचा. खिशातील पैसे संपल्यानंतर दोघेही बंद घराचा शोध घेऊन चोरी करीत होते. 

अमोल दांडेकर (२९, प्रेरणानगर) यांच्या घरी ४ डिसेंबरला महेश आणि गणेश नावाचे मित्र आले होते. मध्यरात्रीच्या सुमारास जेवण केल्यानंतर तिघेही झोपी गेले. पहाटेच्या सुमारास शुभम आणि संजय यांनी खिडकीतून प्रवेश करीत घरातून सोन्या-चांदिचे दागिणे, रोख रक्कम आणि मोबाईल चोरून नेले होते. या प्रकरणी हुडकेश्‍वर पोलिसांनी गुन्हा दाखल केला होता. 

हेही वाचा -दानवे भैताड माणूस, वडेट्टीवारांची जीभ घसरली 

ठाणेदार प्रताप भोसले यांना चोरीबाबत गुप्त माहिती मिळाली. त्यांनी लगेच एपीआय स्वप्नील भुजबळ, हवालदार शैलेष ठवरे, प्रवीण गाणार, राजेश डेकाटे, आशिष तितरमारे, सायबर एक्सपर्ट दिपक तऱ्हेकर, मिथून नाईक यांना सापळा रचण्याचे आदेश दिले. पथकाने रचलेल्या जाळ्यात दोघेही चोरटे अलगद अडकले. दोघांनीही चोरीची कबुली दिली असून चोरीचा मालही त्यांच्याकडून हस्तगत केला आहे.

संपादन - अथर्व महांकाळ