नागपूर : नागपूर शहरात राज्य राखीव पोलिस दलाच्या (एसआरपीएफ) जवानाने एक ५४ वर्षीय व्यक्तीला चापट मारल्याने त्या व्यक्तीचा मृत्यू झाल्याचा धक्कादायक प्रकार घडला आहे.
मिळालेल्या माहितीनुसार, एसआरपीएफ जवानाने कारच्या हेडलाइटवरून झालेल्या वादात एका ५४ वर्षीय व्यक्तीला चापट मारली. यानंतर त्या व्यक्तीचा मृत्यू झाला, अशी माहिती एका अधिकाऱ्याने रविवारी दिली. आरोपी निखिल गुप्ता (३०) हा त्याच्या बहिणीला भेटण्यासाठी आला असताना गुरुवारी रात्री वाठोडा पोलीस ठाण्यांतर्गत माता मंदिर परिसरात ही घटना घडली.
गुप्ता हे त्यांची कार पार्क करत असताना, त्याच परिसरातील रहिवासी असलेल्या पीडित मुरलीधर रामरावजी नेवारे यांच्या चेहऱ्यावर कारचा हेडलाइट बीम पडला. यानंतर नेवारे यांनी गुप्ता यांना लाईट बीम कमी करण्याची विनंती केली. परंतु SRPF जवान गुप्ता हे यामुळे चांगलेच संतप्त झाले. यानंतर दोघांमध्ये बाचाबाची झाली आणि गुप्ता यांनी जोरदार चपराक मारल्याने नेवारे जमिनीवर कोसळले.
त्यांना तातडीने शासकीय वैद्यकीय महाविद्यालय आणि रुग्णालयात नेण्यात आले मात्र शनिवारी त्यांचा मृत्यू झाला, अशी माहिती अधिकाऱ्याने दिली. पोलिसांनी गुप्ता विरुद्ध भारतीय दंड संहिता कलम 304 अंतर्गत गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
