Nagpur Crime : शिवीगाळ केल्याने दारू विक्रेत्याला संपवले

नागपूर : वाडी पोलिस ठाण्याच्या हद्दीतील खडगाव मार्गावर बुधवारी (ता.१६) दुपारी दारू विक्रेत्याचा दगडाने ठेचून खून झाला होता. याप्रकरणातील आरोपीला वाडीतील गुन्हे अन्वेषन पथकाने चोविस तासात अटक केली. .रोहित बालकराम मालवी (वय २८, रा. आशिर्वादनगर, खडगाव रोड) असे आरोपीचे नाव आहे. तो जेसीबी ऑपरेटर आहे. बुधवारी दुपारी चार वाजताच्या सुमारास खडगाव मार्गावरील निर्जनस्थळी सुभाष गुलाब बोरकर (वय ५५, रा. दत्तवाडी) रक्ताच्या थारोळ्यात पडला असल्याची सूचना नियंत्रण कक्षाला मिळाली. त्यानंतर वाडी पोलिसांचा ताफा घटनास्थळी पोहोचला. त्यांनी पंचनामा करीत, मृतदेह मेयोत पाठविला. डोक्यात दगड मारल्याने जखमी होऊन मृत्यू झाल्याचे प्राथमिक तपासात दिसून आले होते.पोलिसांनी गुन्हा दाखल करून तपास सुरू केला. दरम्यान वाडीतील गुन्हे अन्वेषन पथकातील पोलिस उपनिरीक्षक कुणाल धुरत आणि त्याच्या पथकाने सीसीटीव्ही आणि तांत्रिक तपास करून रोहितला ताब्यात घेतले. विचारणा केली असता, त्याने खुनाची कबुली दिली. सुभाष बोरकर दारू विक्रीचा व्यवसाय करायचा. त्यासाठी तो वाडी, खडगाव मार्ग आणि इतर ठिकाणी फिरायचा. त्यातून त्याची रोहितशी ओळख झाली. त्याने रोहितला काही पैसे उधार दिले होते. ते पैसे काही महिन्यांपूर्वी त्याने परतही केले होते. मात्र, त्यानंतरही दररोज सुभाष त्याच्याकडे जाऊन त्याला शिवीगाळ करायचा..बुधवारी रात्री तो रोहितकडे आला. यावेळी त्याने शिवीगाळ केल्यावर रोहितने दगड उचलून त्याच्या डोक्यात हाणला. त्यामुळे जखमी होऊन सुभाष खाली पडले. त्यात त्यांचा मृत्यू झाला. त्यानंतर रोहित तेथून पसार झाला. गुरुवारी दुपारी त्याला पथकाने ताब्यात घेतले असून त्याची विचारपूस सुरू केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Nagpur Crime : शिवीगाळ केल्याने दारू विक्रेत्याला संपवले

Related Stories