Washim agriculture : यंदाच्या पावसाळ्यात प्रारंभी पाऊस कमी आल्याने पेरणी केलेले बियाणे उगवले नाही आणि त्यानंतर मुसळधार पाऊस बरसल्याने पेरणी केलेले बियाणे दडपले परिणामी कारंजा तालुक्यात काहींना दुबार तर काही शेतकऱ्याना तिबार पेरणी करावी लागली.
असे असताना तिबार पेरणी केलेल्या सोयाबीनवर अळीने आक्रमण केल्याने सोयाबीनच्या पानाची अक्षरशः चाळणी झाली. त्यामुळे उत्पन्नात घट येणार या भीतीने ७ एकरातील सोयाबीन पिकावर ट्रॅक्टर चालविण्यात आला. हा प्रकार कारंजा तालुक्यातील बाबापूर शिवारात घडला.
कामरगावच्या बाबापुर शिवारात शेत येत असलेल्या प्रवीण कावरे व ज्ञानेश्वर कावरे या बापलेक शेतकऱ्याने यावर्षी खरीप हंगामात सोयाबीन या पिकाची लागवड केली होती. सुरवातीपासूनच निसर्गाच्या लहरीपणामुळे शेतकऱ्यांची पेरणी खोळंबली असताना शेतकऱ्यांवर पुन्हा पेरणी करण्याची वेळ आली. असे असताना कसेतरी पीक शेतात डोलत असताना शेतकऱ्यांची मशागत करून डवरणी खुरपणीची कामे पूर्ण केली.
आता पुढे या सोयाबीनला चांगल्या शेंगा लागून भरपूर उत्पादन पदरी पडेल या आशेवर शेतकरी असताना मागील काही दिवसात अचानकपणे सोयाबीन पिकावर अळीचा प्रादुर्भाव होऊन सोयाबीनच्या झाडाच्या पानाची पूर्ण चाळणी झाली असल्याने निराश होऊन बापलेक शेतकऱ्याने ७ एकरावरील सोयाबीन पिकावर ट्रॅक्टरच्या साहाय्याने रोटावेटर फिरवून सोयाबीनचे पीक नष्ट केल्याचा प्रकार कामरगावच्या बाबापूर शेत शिवारात घडला.
त्यामुळे आधीच आर्थिक अडचणीत असलेल्या या बापलेक शेतकऱ्यांवर पुन्हा एकदा संकटाचा डोंगर कोसळला आहे. अशा परिस्थितीत मायबाप सरकारने शेतकऱ्यांना मदत करावी अशी मागणी आता शेतकऱ्यांतून केल्या जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
