कन्हान : नागपूर-जबलपूर राष्ट्रीय महामार्गावरील न्यू हायवे स्टार ढाब्यासमोर चालकाचे कारवरून नियत्रंण सुटले. त्यामुळे सुसाट कार लोखंडी रेलिंगला धडकली. यात दोघांचा जागीच मृत्यू झाला. वडील परवेज अंसारी आणि मुलगी अफिफा अंसारी अशी मृतांची नावे आहेत.
नवी दिल्लीवरून बैंगळुरूला जाण्यासाठी अमराह परवेज अंसारी (वय ३३) रा. सिहारा ता. दामपूर जि.बिजनेर, उत्तरप्रदेश, परवेज कुर्शीद अंसारी (वय ३६) आणि मुलगी अफिफा परवेज अंसारी (वय १२) हे कारने (क्रमांक केए ०४ एन सी ००४२) निघाले होते. नदीम नईस अंसारी (वय २८) कार चालक होता.
रविवार मध्यरात्री राष्ट्रीय महामार्गाने मनसरवरून नागपूरला जात असताना बोर्डा टोल नाका ओलांडल्यानंतर काही अंतरावर चालक नदीमचे कारवरून नियत्रंण सुटले. कार रस्त्याच्या बाजूला असलेल्या लोखंडी रेलिंगला जाऊन जोरदार धडकली.
यात अमराह अंसारी यांच्या डाव्या हाताला मार लागला. अमराह अंसारी ह्या बेशुद्ध झाल्या. परवेज आणि मुलगी अफिफा यांचा अपघातात घटनास्थळी मृत्यू झाला . सदर घटनेची माहिती कन्हान पोलिसांना मिळताच पोलिस हवालदार गुरुप्रकाश मेश्राम हे पथकासह घटनास्थळी पोहचले. जखमींना नागपूर येथील रुग्णालयात दाखल करण्यात आले. पुढील तपास पोलिस निरीक्षक प्रमोद मकेश्वर यांचा मार्गदर्शनात पोलिस हवालदार गुरुप्रकाश मेश्राम हे करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
