Nagpur Crime : संत्रा विक्रीतून बनविले ‘MD चे नेटवर्क’ आरोपीची कबुली; सोहेलशी व्यवसायातून संपर्क, तिघांनाही 5 दिवस कोठडी

नागपूर : गुन्हे शाखेच्या अंमली पदार्थ विरोधी पथकाने (एनडीपीएस) बुधवारी केलेल्या कारवाईत नागपूर महानगरपालिकेत सुपरवायझर पदावर असलेल्या कपिल खोब्रागडेकडून ९० लाखांच्या किंमतीचे ९०७ ग्रॅम एमडी जप्त करण्यात आले. .मात्र, एमडी विक्री करण्यापूर्वी तो संत्रा विक्रीचा व्यवसाय करीत होता. त्यातूनच त्याची मध्यप्रदेशातील सारंगपूर येथील ड्रग तस्कर सोहेलची ओळख झाली आणि त्यानंतर त्याने शहरात एमडीचे नेटवर्क तयार केल्याची माहिती आरोपी कपिलने पोलिसांना दिली आहे.एनडीपीएस पथकाने हिवरीनगर परिसरात कपिल खोब्रागडे याच्यासह तिघांना अटक केली. कपिल नागपूर महानगरपालिकेतील सुपरवायझर पदावर कार्यरत आहे. मात्र, अधिक पैसे मिळावे या लोभापोटी त्याने नोकरी करतानाच संत्रा विक्रीचा व्यवसाय सुरू केला. त्यातून त्याची ओळख मध्यप्रदेशातील संत्रा विकणाऱ्या सोहेलशी झाली. सोहेल हा तेथील एमडी तस्कर असल्याने त्याने कपिलला एमडीच्या माध्यमातून मोठ्या प्रमाणात पैसे मिळविता येऊ शकतात असे आमिष दाखविले. .त्याला बळी पडून कपिलने मध्यप्रदेशातून एमडीची खरेदी करण्यास सुरुवात केली. मात्र, विक्रीसाठी माणसे हवी असल्याने एमडीच्या गुन्ह्यात असलेल्या राकेश गिरी आणि कुख्यात अक्षय वंजारी याच्याशी संपर्क करीत त्यांना वीस ते पन्नास ग्रॅम एमडी देण्यास सुरुवात केली. दोघांनी मकसूद अमीनुद्दीन मलिकच्या माध्यमातून त्याची विक्री करण्यास सुरुवात केल्याचे तपासात समोर आले. तिन्ही आरोपींना पोलिसांनी प्रथम श्रेणी न्यायदंडाधिकाऱ्यांसमोर हजर केल्यावर पाच दिवसांची पोलिस कोठडी सुनावली.सावकारीचाही करायचा धंदाकपिल एमडीतून मिळविलेले पैसे व्याजाने देत असल्याची माहिती समोर आली आहे. गुन्हे शाखेच्या पथकाने अटक केलेल्या तिघांनीही मकसूद अमीनुद्दीन मलिकच्या माध्यमातून शहरात एमडीची विक्री केल्याची माहिती दिली. मात्र, प्रत्यक्षात मकसूद हा उत्तरप्रदेशात असून तो केवळ फोनवर मागणी आल्यावर आपल्या माणसांच्या म्हणजेच, गोलू बोरकर, अल्लारखा यांच्या माध्यमातून एमडीची विक्री करीत होता..Nagpur Drug Crime: महापालिकेच्या आरोग्य कर्मचाऱ्याकडून ९० लाखाची एमडी जप्त .अल्पावधीत कमाईसाठी तरुण होतात ‘पेडलर’शहरातील तरुणाईभोवती नशेचा विळखा दिवसेंदिवस घट्ट होत आहे. बार, पब आणि महाविद्यालयाभोवती एमडीची सर्रास विक्री होत असून अल्पावधीत त्यातून बक्कळ पैसा मिळत असल्याने गुन्हेगारी विश्वात तरुणाईचा ‘पेडलर’ म्हणून वापर वाढल्याचे धक्कादायक चित्र आहे.एमडीच्या विक्रीवर आळा घालण्यासाठी काही महिन्यांपासून अंमली पदार्थविरोधी पथकाकडून सातत्याने कारवाईचा बडगा उगारण्यात येत आहे. तरी शहरात आडमार्गाने एमडी येत आहे. त्यातूनच बुधवारी झालेल्या कारवाईत ९० लाख रुपयांचे ९०७ ग्रॅम एमडी जप्त केले. मुख्य सूत्रधारासह तिघांना अटक करण्यात आली. .Nagpur Crime : मौजमजेसाठी बुरखा घालून तरुणीची वाहनचोरी; सीसीटीव्हीतून चोरी झाली उघड.तपासात त्यांच्या माध्यमातून जवळपास सात जणांना एमडीची विक्री करण्यात आल्याची माहिती समोर आली. विशेष म्हणजे, कपिलकडून मिळविलेले एमडी राकेश गिरी हा मकसूद अमीनुद्दीन मलिक (रा. टेका, ताज नगर) या कुख्यात एमडी तस्कराला विक्री करायचा. त्यानंतर मकसूदही खरेदी केलेले एमडी हिंगण्यात राहणाऱ्या अक्षय बोबडे आणि अल्लारख्खा याला विकत असे. तसेच अक्षय वंजारद्वारे गोलू बोरकर (रा. हिवरीनगर, नंदनवन) याला एमडीची विक्री केली जात होती. एमडीची विक्रीत इतरही ‘पेडलर’ला करण्यात येत असल्याची दाट शक्यता आहे..Nagpur : संप मागे, रुग्णांना अखेर दिलासा; आंदोलन मंडपातच डॉक्टरांनी केली बाह्यरुग्णांची तपासणी.कारागृहातूनच प्रशिक्षणाचा अड्डाविविध गुन्ह्यात कारागृहात गेलेले अनेक तरुण एमडीसारख्या गुन्ह्याच्या आरोपात शिक्षा भोगत असलेल्या आरोपींच्या संपर्कात आल्यास त्याला प्रशिक्षण मिळत असल्याचे सांगण्यात येते. या माध्यमातून आरोपी ‘एमडी’चा व्यवसाय चालवितात. त्यातून तरुण गुन्हेगार बाहेर येताच, त्यांच्या माध्यमातून एमडीची विक्री जोमात सुरू होते. सेवन करणारे जवळपास ‘तिकीट’ (एक ग्रॅम एमडी) आणि पंजा (पाच ग्रॅम एमडी) या प्रमाणात एमडीची खरेदी करतात. त्यासाठी पेडलर हे १० ते २० ग्रॅम आणि ५० ते १०० ग्रॅम एमडी पुरविण्यासाठी थेट विक्रेत्यांच्या संपर्कात असल्याचे दिसते..ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.