३१ डिसेंबरच्या पार्ट्यांवर नागपुरात बंदी; जिल्हाधिकाऱ्यांचे आदेश

नागपूर : नवीन वर्षाच्या स्वागतासाठी नागरिकांनी चांगलीच तयारी केली होती. ३१ डिसेंबर म्हटले तर मद्यपींसाठी जणू पर्वणीच असते. मात्र, नागपुरात दारू पिण्यासाठी परवाना लागणार होता. आता हा आदेश फिरवून ३१ डिसेंबरच्या पार्ट्यांवर जिल्हा प्रशासनाने बंदीचे आदेश काढले आहे. यामुळे नागपूरकरांच्या आनंदावर विरजण पडले आहे. (Ban on parties on December 31 in Nagpur)

कोरोना आणि ओमिक्रॉनचा धोका पाहता जिल्हाधिकारी विमला आर. यांनी हे आदेश (Collectors order) काढले आहे. पार्टीमध्ये मोठ्या प्रमाणात गर्दी होत असते. यामुळे कोरोना वाढण्याची शक्यता नाकारता येत नाही. अशा स्थितीत पार्टी करण्यावर बंदी घालण्यात आली आहे. आदेशानंतरही पार्ट्यांचे आयोजन केल्यास संबंधितांवर कारवाई केली जाणार आहे.

३१ डिसेंबर आणि नवीन वर्षाच्या स्वागताची पाच रुपयांत एक दिवसाचा परवाना उत्पादन शुल्क विभागाकडून दिला जाणार होता. यासाठी ऑनलाइन आणि ऑनलाइन अशी व्यवस्था करण्यात आली होती. मद्याच्या दुकानात (Liquor) ऑनलाइन परवाना मिळणार होता. तसेच पार्टी करायची असेल तर तीन ते तीस हजार शुल्क आकारून परवाना घ्यावा लागणार होता. परवाना शिवाय मद्य खरेदी किंवा पार्टी आयोजित केली तर कारवाई केली जाणार होती.