Health Worker attacked: तई बुज येथील आरोग्य उपकेंद्रातील निवासस्थानी झोपली असताना आरोग्य सेविकेला अनोळखी व्यक्तीने अश्लील शिवीगाळ करत जबर मारहाण केल्याची रविवारी घटना घडली. या प्रकारामुळे आरोग्य कर्मचाऱ्यांच्या सुरक्षेचा प्रश्न ऐरणीवर आहे. या घटनेनंतर आरोग्य कर्मचारी संघटनेने कामबंद आंदोलन सुरू केले. घटनेची पोलिसांत तक्रार केली असून, जिल्हा आरोग्य अधिकाऱ्यांना निवेदन दिले आहे.
लाखांदूर तालुक्यातील सरांडी बुज. प्राथमिक आरोग्य केंद्रांच्या तई बुज. उपकेंद्रात आरोग्य सेविका माधुरी काफ्कर २०१४ पासून निरंतर सेवा देत आहेत. रविवारी (ता. तीन) सकाळी त्या उपकेंद्रातील निवासस्थानी झोपल्या असताना एका अनोळखी व्यक्तीने त्यांच्या निवासस्थानात जावून काठीने जबर मारहाण केली.
त्यानंतर अनोळखी व्यक्तीने त्यांचा मुलगा व आईलासुद्धा मारहाण करत शिवीगाळ केली. यात आरोग्य सेविका गंभीर जखमी झाली आहे. या गंभीर घटनेची माहिती होताच आरोग्य कर्मचारी वर्गाकडून याचा निषेध करण्यात आला. या प्रकारामुळे आरोग्य कर्मचाऱ्यांच्या सुरक्षेचा प्रश्न ऐरणीवर आला आहे. त्यामुळे आरोग्य कर्मचाऱ्यावर जीवघेणा हल्ला करणाऱ्या दोषीवर कारवाई करून त्याला शिक्षा देण्याची मागणी आरोग्य सेविकेने जिल्हा आरोग्य अधिकाऱ्यांना दिलेल्या निवेदनातून केली आहे.
या घटनेची माहिती मिळताच तालुका वैद्यकीय अधिकारी डॉ. कैकाडे, वैद्यकीय अधिकारी डॉ. विवेक बन्सोड आणि आरोग्य कर्मचाऱ्यांनी जखमी महिलेची भेट घेवून धीर दिला. त्यांच्या कुटुंबीयांवर औषधोपचार करण्यात आला. तई येथील सरपंच श्रीहरी भेंडारकर यांनी गावात सुरक्षा व शांतता ठेवण्यासाठी विनंती केली आहे.(Latest Marathi News )
पोलिसांकडून कारवाईची अपेक्षा
■ आरोग्य कर्मचाऱ्यावर हल्ला केलेल्या त्या अनोळखी व्यक्तीची पालांदूर पोलिस ठाण्यामध्ये तक्रार केली आहे. नंतर पोलिसांनी त्या व्यक्तीला अटक केले व काही वेळातच सोडून दिले. मात्र, आरोग्य विभाग व कर्मचारी संघटनेकडून कामबंद आंदोलन करण्यात • आल्यानंतर आज सोमवारी पुन्हा आरोपीला अटक करण्यात आल्याची माहिती आहे. आरोपीवर गुन्हा दाखल करून कारवाईची मागणी करण्यात आली आहे.
आरोपीचा गावात धुमाकूळ
■ या प्रकरणात मारहाण करणाऱ्या व्यक्तीने गावात धुमाकूळ मजल्याने तणाव निर्माण झाला होता. त्याने सरपंच, उपसरपंच व ग्रामपंचायत सदस्य तथा कर्मचारी यांच्यासह गावातील पोलिस पाटील यांनासुद्धा मारहाण करण्याची धमकी देऊन घाबरविले होते, अशी माहिती तईचे सरपंच भेंडारकर यांनी दिली आहे. (Latest Marathi News )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
