सबस्क्राईब करा
भाजपचे नेते मुन्ना यादव यांच्यासह त्यांच्या मुलांकडून धंतोली ठाण्यात पोलिसांना धक्काबुक्की आणि शिवीगाळ केल्याचा गुन्हा दाखल करण्यात आला आहे. यादव बंधुदरम्यान धंतोली ठाण्यात झालेल्या राड्यादरम्यान हा प्रकार घडला होता.
भारतीय जनता पक्षाचे नेते मुन्ना यादव यांची मुले करण व अर्जुन शनिवारी सायंकाळी घरासमोर उभे असताना. बाला यादव याची मुले व त्यांच्या साथीदारांनी करण व अर्जुनवर शस्त्र व काठीने हल्ला केला. त्याला प्रतिउत्तर म्हणून त्यांच्यावरही करण आणि अर्जुन आणि त्याच्या साथीदारांनी हल्ला केला. त्यामुळे दोन्ही गटात तुंबळ हाणामारी झाली होती.
यामध्ये करण आणि अर्जुन यांच्यासह बाला यादव यांची मुलेही जखमी झाली होती. त्यापैकी एकाला डोक्याला गंभीर दुखापत झाली.
या घटनेनंतर दोन्ही गटांनी धंतोली ठाणे गाठले. तिथेही दोन्ही गटांकडून वाद घालण्यात आला. त्यामुळे खुद्द परिमंडळ दोनचे पोलिस उपायुक्त राहुल मदने यांनी ठाणे गाठले.
यावेळी दोन्ही गटाला शांत करीत असताना, मुन्ना यादव आणि त्याच्या दोन्ही मुलांनी ठाण्यात राडा घातला. त्यामुळे पोलिसांनी त्यांच्याविरोधात विविध कलमान्वये गुन्हा दाखल केला आहे.
मुन्ना यादव हे राज्य इमारत बांधकाम मंडळाचे माजी अध्यक्ष असून ते भाजपचे नागपूरमधील महत्त्वाचे नेते आहेत. आता मुन्ना यादव यांच्यासह दोन मुलांवर पोलिसांवर शिवीगाळ केल्याप्रकरणी शासकीय कामात अडथळ्याचा निर्माण केल्याबद्दल त्यांच्यावर गुन्हा दाखल करण्यात आला आहे.
याप्रकरणी पोलीस अंमलदार सुभाष वासडे यांच्या तक्रारीवरून गुन्हा दाखल करण्यात आला असल्याची माहिती समोर आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
