‘लिम्का बुक’मध्ये ४० ग्रॅम वजनाचा चरखा; नागपूरमधील जयंत तांदुळकर यांचा सन्मान

नागपूर : आगळावेगळा छंद जोपासणारे शहरातील जयंत तांदुळकर यांनी तयार केलेल्या नखावर ठेवता येणारा चरख्याची लिम्का बुक ऑफ रेकार्ड्समध्ये नोंद करण्यात आली आहे. मागील आठवड्यात त्यांना याबाबतचे प्रमाणपत्र मिळाले आहे.

तांदुळकर यांच्या या ४० मिलिग्राम वजनाच्या चरख्याची यापूर्वी ‘इंडिया बुक ऑफ रेकॉर्ड्स’ व ‘एशिया बुक ऑफ रेकॉर्ड्स’नेही नोंद घेतली आहे, हे विशेष. झिंगाबाई टाकळी येथील रहिवासी व महालेखाकार कार्यालयात वरिष्ठ लेखापाल पदावर कार्यरत जयंत तांदुळकर पक्षीप्रेमी असून विविध छंदही जोपासतात.

त्यांनी अनेक आश्चर्यकारक वस्तू तयार केल्या आहेत. त्यापैकी सर्वांत लहान आकाराच्या चरख्याने शहराचाही गौरव वाढवला. तांदुळकर यांनी २०२० मध्ये ३.२० मिमी लांबी, २.६८ मिमी रुंदी आणि ३.०६ मिमी उंचीचा चरखा तयार केला. या चरख्याचे वजन केवळ ४० मिलिग्राम आहे.

चरख्याची वैशिष्ट्ये

• चरखा तयार करण्यासाठी लहान काड्या, स्टीलची तार आणि कापसाच्या सूताचा वापर

• एवढा लहान आकार असून या चरख्यावर सूत कातले जाते