नागपूर : डेटींग ॲपद्वारे तरूणांना हेरून त्यांना हॉटेलमध्ये घेऊन जात हजारोंचे बील करवून घेत, त्यातून कमिशन मिळविणारी दिल्लीतील तरूणींची टोळी नागपुरात सक्रीय असल्याची धक्कादायक माहिती समोर आली आहे. विशेष म्हणजे, या माध्यमातून तरूणांना मोठ्या प्रमाणात गंडा घालण्यात येत आहे.
शहरात काही दिवसांपूर्वी महिलांना आठवडी बाजारात भुलथापा देत त्यांच्याकडील दागिने चोरणाऱ्या महिला आणि पुरुषांची टोळी पोलिसांनी जेरबंद केली. मात्र, गेल्या पंधरा दिवसांपासून सिव्हील लाईन्स परिसरात पाच ते दहा तरूणी डेटींग ॲपच्या माध्यमातून युवकांना भेटायला बोलावितात.
त्यानंतर पार्टीच्या नावाने त्यांना ठराविक महागड्या हॉटेल आणि पबमध्ये नेतात. मौजमजा करीत अधिकचे बील करवून घेतात. हॉटेल आणि पब मालकांकडून ते बील जबरदस्तीने वसूल करण्यात येते.
यामध्ये हॉटेल आणि पब मालकही सहभागी असल्याची माहिती आहे. विशेष म्हणजे, सिव्हील लाईन्स येथील पॉश परिसरात आपली वाहने पार्क करीत, त्या युवकांना ठराविक पबमध्ये घेऊन जातात. यावेळी पबमध्ये ४० ते ५० हजाराचे बील करण्यात येते. साधारणतः साडेचार ते पाच वाजताच्या सुमारास हा सर्व प्रकार घडत असल्याचीही माहिती आहे.
हॉटेल आणि पब मालकांची युवतींसोबत साठगाठ असल्याने त्यांच्याकडून ग्राहक आणल्यावर अधिकचे बील केल्यास युवतींना मोठे कमीशन दिले जाते. त्यामुळे ठराविक पब न हॉटेलमध्येच या तरूणी जात असल्याची माहिती आहे.
तरूणींकडून युवकांची आर्थिक लुट होत असल्याने एका युवकाने यापूर्वी पोलिसांकडे तक्रार दाखल केली होती. मात्र, त्या तक्रारीवर कारवाई करण्याऐवजी पब चालकासोबत सेटलमेंट करण्यात आले. त्यामुळे युवकही आता आर्थिक फसवणूक झाल्यावर समोर येत नसल्याचे दिसून येते.
तरूणींकडे दिल्लीच्या क्रमांकाची दोन ते तीन आलीशान वाहने असून दररोज त्या सिव्हील लाईन्स परिसरात कार पार्क करीत, युवकांसोबत फिरायला जातात. रात्री परतून पुन्हा या वाहनाने त्या आपापल्या ठिकाणी जातात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
