नागपूर : चार महिन्यांपूर्वी कोरोनामुळे मेडिकलचे विद्यार्थी त्रस्त झाले होते. आता डेंगी आजाराच्या तापाने मेडिकलचे विद्यार्थी बेजार झाले आहेत. दोन महिन्यांत ७० पेक्षा अधिक विद्यार्थ्यांना डेंगीसदृश्य आजार झाल्याचे निदान झाले असून, यातील २५ जणांना डेगी झाल्याचे निदान झाले आहे.
मेडिकलच्या पदवी अभ्यासक्रमाच्या विद्यार्थ्यांपासून तर निवासी डॉक्टरांना डेंगीसदृश्य आजाराचा दंश झाला. सध्या एका डेंगीग्रस्त निवासी डॉक्टरवर मेडिकलच्या वॉर्डात उपचार सुरू आहेत. मेडिकलचे निवासी डॉक्टर व आंतरवासिता डॉक्टरांनाही डेंगीसदृश्य आजाराने ग्रासले आहे. मेडिकलमध्ये दोन महिन्यात मेडिकलला सुमारे ३० निवासी डॉक्टर तर २० एमबीबीएसचे विद्याार्थी आणि २५ च्या जवळपास आंतरवासिता डॉक्टरांना ताप आला होता.
यातील अंदाजे २५ जणांना डेंगी असल्याचे निदानही झाले. सध्या एक निवासी डॉक्टर मेडिकलच्या पेइंग वार्डात उपचार घेत आहे. काही विद्यार्थी त्यांच्या घरी वा वसतिगृहात उपचार घेत असून बरेच जण आजारातून बाहेरही आले आहेत. मेडिकल परिसरात मोठ्या प्रमाणावर गवत आहे. त्याची प्रत्येक वर्षी गवत कापण्यात येते. कीटकनाशकांची फवारणी केली जाते. परंतु, यंदा कोरोनामुळे दुर्लक्ष झाले. विलंबाने कीटकनाशक फवारणी झाल्याने येथे डास वाढले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
