Devendra Fadnavis Latest News : "चहाला वेळ नसते पण वेळेला चहा असतो.." फडणविसांनी टपरीवर घेतला दोस्तांसोबत चहाचा आस्वाद!

Nagpur News : एरव्ही राजकारणात व्यस्त असलेले उपमुख्यमंत्री देवेंद्र फडणवीस यांनी आज जुन्या मित्रांसोबत मस्त वाफाळलेल्या चहाचा आस्वाद घेतला. यावेळी ते जुन्या मित्रांसोबत चर्चेत रमल्याचे दिसून आले.

उपमुख्यमंत्री देवेंद्र फडणवीस आज बैठकीसाठी वनामती येथे आले होते. बैठकीनंतर त्यांनी कार्यकर्त्यांच्या भेटी घेण्याचे ठरवले. दुपारी दोनच्या सुमारास जयप्रकाशनगर येथील किशोर धर्मे या मित्राकडे जात असताना त्यांना चहाची टपरी दिसली. खामला मार्केट ते जयप्रकाशनगर मार्गावरील टपरीवर ते थांबले.

येथे त्यांनी चहा मागितला. उपमुख्यमंत्र्यांचा संपूर्ण ताफाही थांबला. यावेळी त्यांच्यासोबत उपमुख्यमंत्र्यांचे मानद सचिव संदीप जोशी, माजी नगरसेवक गोपाल बोहरे, सुरेंद्र पांडे व इतर काही कार्यकर्ते होते. सर्वांनीच काही वेळ गप्पा करीत चहा घेतला. उपमुख्यमंत्री फडणवीस टपरीवर चहा पित असल्याचे बघून अनेकांनी गर्दी केली.

देवेंद्र फडणवीस सध्या राज्याच्या राजकारणाचे केंद्रबिंदू आहे. याशिवाय जनहितासाठी काम करताना त्यांना वेळ मिळत नाही. अशा स्थितीत कुठलाही मोठेपणा न दाखवता त्यांनी साध्या ग्राहकाप्रमाणे चहाचा आनंद लुटला. अनेक दिवसांनी टपरीवर चहा पिताना त्यांनी मित्रांसोबत चर्चेदरम्यान जुन्या आठवणींना उजाळा दिला.(Latest Marathi News)