Video: फडणवीसांच्या सभेत शिरला साप; भाषण मध्येच थांबवलं अन्....; व्हिडिओ व्हायरल

नागपूर : राज्याचे उपमुख्यमंत्री देवेंद्र फडणवीस यांची नागपुरात जाहीर सभा पाडली. यावेळी त्यांचं भाषण सुरु असतानाच अचानक प्रेक्षकांमध्ये साप शिरल्यानं एकच गोंधळ उडाला. गोंधळ झाल्याचं पाहताच फडणवीसांनी आपलं भाषण मध्येच थांबवलं. या घटनेचा व्हिडिओ देखील व्हायरल झाला आहे.

नेमकं काय घडलं?

नागपूरच्या जयतळा इथं देवेंद्र फडणवीस यांच्या प्रमुख उपस्थितीत गुरुवारी बांधकाम कामगार मेळावा पार पडला. या कार्यक्रमाच्या ठिकाणी लोकांच्या बैठक व्यवस्थेत साप निघाला. इथं महिला जिथं बसल्या होत्या तिथं हा साप निघाल्यानं एकच कलकल आणि गोंधळ सुरु झाला. याची कल्पना फडणवीसांना आल्यानं त्यांनी तात्काळ भाषण थांबवलं. यावेळी महिला थोड्या घाबरल्या पण साप पकडल्यानंतर भाषण पुन्हा सुरु झालं.

दरम्यान, फडणवीस बोलताना म्हणाले, आमच्याकडं एक छोटा साप आहे आणि साप पकडणारा देखील आहे.