नागपूर : सध्या उन्हाळा तापत असून अंगाची लाहीलाही होत असताना नागरिक थंड पेयाकडे वळतात. कुणी फळांच्या रसाला पसंती देतात तर कुणी फालुदा, शिकंजी व आईस्क्रीमला. आणखी एक मस्त पर्याय आहे तो मधूर अशा उसाच्या रसाचा.
उसाच्या रसाने शरीराला अपाय होत नाही. उसाचा रस केवळ तहान तृप्त करत नाही तर औषधी गुणधर्मांमुळे शरीराचे रक्षणही करतो. आपल्याला हे जाणून आश्चर्य वाटेल की दातांच्या समस्येमध्ये ऊस खूप फायदेशीर असतो. कारण यात कॅल्शिअम, पोटॅशियम, लोह, मॅग्नेशिअम आणि फॉस्फरस असे पोषक घटक असतात.
जे आरोग्यासाठी फायदेशीर मानले जातात. उसाचा रस पोटासाठी देखील अतिशय प्रभावी ठरतो. मधुमेह रुग्ण उसाचा रस घेऊ शकतात. कारण उसाच्या रसामध्ये आयसोमॅलटोज नावाचा घटक आढळतो. आयसोमल्टोसमध्ये कमी ग्लाइसेमिक सामग्री असते आणि कमी ग्लाइसेमिक इंडेक्स असलेले पदार्थ मधुमेहाच्या रुग्णांमध्ये रक्तातील साखर नियंत्रित करण्यास मदत करतात. उसामध्ये फायबर मोठ्या प्रमाणात आढळतात.
आहारातील फायबर ऊर्जा कमी करण्यासाठी वजन कमी करण्यासाठी तसेच लिपिड नियंत्रित करण्यात आणि ग्लुकोज तोडण्यात मदत करू शकते. उसाचा रस रोग प्रतिकारशक्तीसाठी खूप फायदेशीर मानला जातो. यामध्ये फोटो प्रोटेक्टिव आणि अँटीऑक्सिडेंट गुणधर्म आहेत जे रोग प्रतिकारशक्ती मजबूत करण्यास मदत करतात. लघवी करताना बऱ्याच लोकांना वेदना, जळजळ किंवा अस्वस्थता जाणवते. अशा लोकांनी उसाचा रस प्यावा.
हा अल्फा हायड्रॉक्सीसिडचा स्रोत आहे, म्हणून त्वचेसाठी विशेष घटक असतो. अल्फा हायड्रोक्सीसिडमध्ये ग्लाइकोलिकसिड, लैक्टिकसिड, मलिकसिड, टार्टरिकसिड आणि लिंबाच्या रसात सापडणारे आम्ल असते जे मुरुमांच्या समस्यांपासून बचाव करू शकते.
शरीराला होणारे फायदे
उन्हाळ्यात डिहायड्रेशनपासून बचाव होतो
रस ऊर्जेचा स्त्रोत असून शरीराला शांत ठेवण्यास मदत
दमा, मूत्ररोग आणि किडनीशी संबंधित रोगांवर फायदेशीर
हा रस कावीळ या रोगावर गुणकारी
तोंडातील दुर्गंधीपासून मुक्ती मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.