नागपूर : ठगबाजांच्या टोळीने एका वृद्ध अभियंत्याला पैसे गुंतवणुकीचे आमिष दाखवून ३ कोटी १७ लाखांनी फसवणूक केली. त्यांच्या नातेवाइकांनाही नोकरी मिळवून देण्याची थाप मारून पैसे उकळले. तक्रारीवरून पोलिसांनी पती-पत्नीसह १० आरोपींवर गुन्हे नोंदविले आहे. दाम्पत्याला अटकही करण्यात आली.
तानबा इंदूरकर असे पीडित आहेत. वैशाली ऊर्फ क्रिशा विश्वनाथ शेट्टीगार ऊर्फ वैशाली सुदर्शन एनैवार, सुदर्शन संजय एनैवार, सिद्धार्थ संजय एनैवार तिन्ही रा. एसई रेल्वे कॉलनी, प्रतापनगर आणि शाहनवाज फिर्दोस खान रा. रमाईनगर, नारी अशी अटकेतील आरोपींची नावे आहेत.
फरार आरोपी सोनाली एनैवार, विशाल विश्वनाथ शेट्टीगार, अविनाश नंदा, निशा नंदा, कृणालकांत सरवारी आणि सीमा कोथे यांचा शोध सुरू आहे. इंदूरकर हे परदेशात अभियंता होते. निवृत्तीनंतर ते नागपुरात स्थायिक झाले. सीमा कोथे ही वैशालीसाठी सावज शोधण्याचे काम करते. २०१८ मध्ये दोघींनीही इंदूरकर यांना जाळ्यात अडकवले.
इंदूरकर यांचा मुलगा प्रकाश, सून रश्मी, पुतण्या कृपासागर आणि नातेवाईक अनुप जनबंधू यांना सेल्स टॅक्स विभागात नोकरी लावून देण्याची थाप मारली. वैशालीने सांगितले की, तिचा पती सुदर्शन हा सेल्स टॅक्स विभागात आयुक्त आहे. त्याच्या शिफारशीवर चौघांनाही नोकरी मिळू शकते. त्यासाठी त्यांनी इंदूरकर यांच्याकडून मोठी रक्कम घेतली.
त्यानंतर आरोपींनी इंदूरकर यांना सेल्स टॅक्स विभागाने जप्त केलेली मालमत्ता मिळवून देण्याची थाप मारली. एका वर्षात गुंतवलेली रक्कम दुप्पट करण्याचे आमिष दाखवून त्यांचे भूखंड आणि दागिनेही विकायला लावले. फसवणूक झाल्याचे लक्षात आल्यावर इंदूरकर यांनी पोलिस उपायुक्त अर्चित चांडक यांच्याकडे तक्रार केली. पोलिसांनी तपास करून चौघांना अटक केली तर इतर आरोपींचा शोध सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.