Gondia Fridge Blast: देवाजवळील दिव्यातील जळती वात उंदराने फ्रिजजवळ नेली. क्षणात फ्रिजला आग लागली. फ्रिजचा स्फोट होऊन घरातील अन्नधान्यासह साहित्य जळाले. ही घटना शुक्रवारी (ता. २९) रात्रीच्या सुमारास सूर्याटोला येथील संजय गाते यांच्या घरी घडली.
शहरातील सूर्याटोला परिसरातील शिवाजी पुतळ्याजवळ संजू गाते यांचे घर आहे.
शुक्रवारी रात्री संजू गाते हे कुटुंबासह घरातील समोरच्या खोलीमध्ये जेवण करत होते. याचवेळी फ्रीजला अचानक आग लागली व मोठा आवाज झाला. त्यामुळे गाते कुटुंब क्षणाचाही विलंब न लावता घराबाहेर पडले.
त्यानंतर आग लागलेल्या खोलीत पाणी टाकून आग विझविण्यास सुरवात केली. परिसरातील नागरिकांनीसुद्धा आग विझविण्याचा प्रयत्न केला. अग्निशमन दलाला बोलाविण्यात आले. अग्निशमन दलाने घटनास्थळ गाठून आगीवर नियंत्रण मिळविले.
या आगीत मात्र, गाते यांचे मोठे नुकसान झाले आहे. संजय गाते यांच्या घरी देवाजवळ दिवा लावण्यात आला होता. जळत्या दिव्याची वात उंदराने फ्रीजजवळ नेल्याने फ्रीजला आग लागली आणि फ्रीजचा स्फोट झाला. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
