नागपूर : राष्ट्रसंत तुकडोजी महाराज नागपूर विद्यापीठाच्या (Rashtrasant Tukdoji Maharaj Nagpur University) ऑनलाइन परीक्षेतील उणिवांमुळे अनेक विद्यार्थ्यांना सारखेच गुण (Same marks to students) देण्यात आले आहे. त्यामुळे दीक्षांत सोहळ्यामध्ये पदक व पारितोषिकांसाठी कोणाची निवड करायची असा प्रश्न निर्माण झाला आहे. विद्यापीठाच्या दीक्षांत सोहळ्यामध्ये (University Convocation Ceremony) अंतिम वर्षात सर्वाधिक गुण घेणाऱ्या विद्यार्थ्यांचा सुवर्ण, कांस्य पदक आणि पारितोषिक देऊन गौरव केला जातो. (Increased-headaches-of-the-university-due-to-the-same-marks)
सर्वोच्च न्यायालयाच्या निर्णयानंतर राज्यभरातील अंतिम वर्षाच्या विद्यार्थ्यांचा परीक्षा घेण्यात आल्या. नागपूर विद्यापीठाने या परीक्षा ऑनलाइन घेताना त्यामध्ये कुठलेही ऋणात्मक गुण ठेवले नाही. शिवाय ५० पैकी केवळ २५ प्रश्न सोडवण्याची मुभा दिली. त्यातच ऑनलाइन परीक्षेमध्ये गैरप्रकाराचे प्रमाणही अधिक होते. एकूणच विद्यापीठाच्या निकालामध्ये भरमसाठ वाढ झाली.
अनेक विद्यार्थ्यांनी पैकीच्या पैकी गुण मिळाले. जे विद्यार्थी कधीही ४० ते ५० गुणांच्या वर घेऊ शकले नाहीत त्यांनाही १०० गुण मिळाले आहेत. या सर्वांचा परिणाम म्हणून आता अनेक अंतिम वर्षाच्या गुणपत्रिकेमध्ये अनेक विद्यार्थ्यांचे गुण हे सारखे आहेत. विद्यापीठाच्या दीक्षांत सोहळ्यामध्ये अंतिम वर्षात सर्वाधिक गुण घेणाऱ्या विद्यार्थ्यांचा सुवर्ण, कांस्य पदक आणि पारितोषिक देऊन गौरव केला जातो.
मात्र, आता एका अभ्यासक्रमामध्ये पंधरा ते वीस विद्यार्थ्यांना सारखे गुण आहेत. त्यामुळे पदकासाठी निवड कुणाची करावी असा प्रश्न समितीला पडला आहे. विद्यापीठाने सारखे गुण असल्यास काय करावे यासाठी नियमावली तयार केली असली तरी एका अभ्यासक्रमात पंधरा विद्यार्थ्यांना सारखे गुण असल्याने विद्यापीठाची चांगलीच तारांबळ उडाली झाली आहे.
(Increased-headaches-of-the-university-due-to-the-same-marks)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
